فى البداية بصراحة أنا مكنتش بثق أبداً فى الشراء من الفيس بوك ولا النت عموماً لأن الموضوع أشبه إنى بحط فلوسى فى حاجة أنا مش شيفاها ولا عارفة شكلها وحجمها الحقيقى إيه
وكنت معارضة الفكرة تماماً ومفكرتش ولا مرة أجرب حتى لإنى مكنتش عايزة أخسر فلوسى
لحد ما أكتشفت أن صديقتى الجميلة المحترمة عندها صفحة رائعة بتبيع فيها جذع خشب مرسوم ومكتوب عليه بأكتر من شكل ولون
فضلت أتابع الصفحة لفترة وبعدين قررت أغير فكرتى عن الشراء من النت وقلت أجرب مش هخسر حاجة وخصوصاً أن أنا عارفة البنت صاحبة الشغل وكانت صديقتى فى الكلية وكنت بحب أتكلم معاها وبعترف أن أخلاقها عالية جداً وملتزمة.
توكلت على الله وقررت أشترى شريحة خشب وراسلت صفحتها وطلبت شكل وكلمات عجبتنى تتكتب على الخشب وعرفت أنهم فريق منظم بيشتغلوا سوا عشان يطلعوا المنتج فى أحسن صورة.
وكان فى نيتى أن دى تكون هدية عيد ميلاد ماما وكنت قلقانة جدا يحصل فيها غلطة لأن مفيش وقت وفلوس تانيين أشترى بيهم هدية تانية.
أحب أحكى تجربتى بإختصار :
١- الحاجة وصلت فى معادها من غير تأخير وفى وقت مناسب جداً.
٢ - التغليف كان رائع ومُحكم جدا وخصوصاً أن نوع زى ده من الفن لازم يتم التعامل معاه برفق ، يعنى نخاف عليه من الكسر أو الشمس أو أى حاجة ممكن تفقده بريقه ، ده غير أن التغليف وصل زى ما طلبته.
٣- الأسعار معقولة بالنسبة لهدية قيمة زى دى ونوع الخشب ممتاز والكتابة أنيقة و الألوان رائعة.
أحب أشكر صديقتى وفريقها على المجهود الكبير اللى اتعمل فى الرسم وإختيار الخشب والذوق العالى فى الرسم والتلوين
دلوقتى أسيبكم مع الصور بالترتيب زى ما فتحت الطرد :
 |
| الظرف اللى وصل فيه الجذع مع الستيكى المميز ل the wild reindeer |
 |
| كارت رقيق بيوصف جذع الخشب والتعامل معاها |
شكل التغليف من بره
ده الجذع اللى طلبته
و ده لينك صفحتهم على الفيس بوك : https://www.facebook.com/TheWildReindeer/
و ده لينك صفحتهم على الفيس بوك : https://www.facebook.com/TheWildReindeer/
ليست هناك تعليقات:
إرسال تعليق