من ضمن السلبيات اللى بيواجهها البعض أما بيكون متضايق .. الأغانى الحزينة
احيانا فعلا بسأل نفسى ليه اما حد يتعرض لمشكلة فى الشغل أو فى علاقته بأى حد من اصدقاؤه أو اسرته يفضل يسمع أغانى حزينة ، واحيانا الأمر بيوصل أنهم يختاروا بنفسهم الأغنية المناسبة
يعنى لو اتنين مرتبطين وانفصلوا يسمعوا اغانى الوداع والهجر، ولو حد توفاه الله مثلا اهلوا يحبوا يسمعوا أغانى الفراق!!!
والحقيقة اللى لا تخفى على أحد أن الأغانى دى بتثقل الروح وبتزود الهموم والمشاكل مش بتصبر حد ولا بتحل أى حاجة وفى أكتر من طريقة ترفع من الروح المعنوية حتى فى أسوأ الأوقات
إزاى نحول إدراك العقل للحزن لحالة جيدة؟
من حوالى سنة شفت فيديو لمعالجة نفسية بتتكلم عن تجربة جديدة اثبتت فعاليتها وهى أن من المعروف ان المخ بيعطى إشارة للجسم على انه سعيد أو حزين وبناءا عليه حركات الجسم بتعبر عن السعادة والحزن حسب الموقف
لكن الجديد ، ماذا لو أعطى الجسم إشارة للمخ بالسعادة؟
يعنى اما أكون حزين لأى سبب أو نفسيتى تعبانة أعمل أى حركات سعيدة أعرفها ، أقعد بثقة من غير ما يكون الظهر منحنى أو أكل أكلة بحبها ، أسمع حاجة جميلة ، أخرج لو وقتى يسمح وبالتالى ده هيعطى إشارة للمخ أن فى حاجات بعملها فيها سعادة للإنسان وبالتالى هبدأ أحس بتحسن تدريجيا.
فى الفترة الأخيرة بدأت أنصح ناس كتير أعرفهم يجربوا الموضوع ده بأبسط الطرق وبالفعل أتحسن وضعهم كتير جدا
تقدروا تقولولى أفكار بسيطة تخلى الإنسان سعيد؟
ليست هناك تعليقات:
إرسال تعليق