الشاى الهندى من المشروبات المنعشة جدا واللى أنا جربتها بنفسى وبحب اشربها طول السنة وخصوصا فى الشتاء ؛ لأن بيحتوى على بهارات!!!
أكيد أى حد هيقرأ أن الشاى ده بيحتوى على بهارات هيقفل الصفحة فورا بس الحقيقة أن طعمه لذيذ وجديد جدا وأنصحكم تجربوه
المقادير :
١- ربع ملعقة جنزبيل بودر ( ولو فى فريش ممكن نبشر قطعة صغيرة )
٢- ربع ملعقة قرفة ( أو عود قرفة واحد اذا وجد )
٣- فص حبهان مدقوق
٤- سكر حسب الرغبة
٥- رشة فلفل اسود
٦- نصف كوب لبن
٧- شاى
الطريقة :
١- فى كسرولة نضع نصف كوب ماء ونضع الجنزبيل والقرفة والفلفل والحبهان على نار هادية
٢- اول ما نلاحظ الماية فى مرحلة ما قبل الغليان نحط مقدار الشاى حسب الرغبة ونتركه حتى يبدأ الغليان
٣- بمجرد أن يبدأ الغليان نضع اللبن ونقلب سريعا وننتظر لمدة دقيقة قبل ان يرفع من على النار
٤- يصب الخليط كله فى كوب بإستخدام المصفاه حتى لأ تتداخل البهارات الخشنة مع المشروب ويقدم مع البسكوت
ليست هناك تعليقات:
إرسال تعليق