فى الفترة اللى كنت بجرب فيها حاجات كتير لشعرى قبل ما يتحسن ، جربت الألوفيرا من ضمن الحاجات دى
ولحسن حظى لقتها بالصدفة عند واحد بيبيع فى الشارع اوراق الألوفيرا زى اللى فى الصورة كدة وكانت رخيصة جدا
والحقيقة هى ممتازة للشعر وهقولكم تستخدموها ازاى بالضبط.
1- احضرى أوراق الألوفيرا و استخدمى سكين بحذر لقطع الأشواك على الجانبين بشكل طولى
2- افتحى اوراق الالوفيرا بيديك
3- قومى بإزالة الجيل الموجود داخلها بإستخدام ملعقة كما فى الصورة
ودلوقتى جيل الألوفيرا ده اللى بيستخدم فى حاجات كتير جدا للشعر والبشرة ودى بعض الوصفات :
للشعر :
الطريقة الأولى : يضرب جيل الألوفيرا فى الخلاط مع زيت السمسم والخروع وجوز الهند ، نضع الخليط فى برطمان ويستخدم ثلاث مرات فى الأسبوع ، يدهن الشعر بالخليط ويمشط جيدا ويعقد على شكل كعكة ويترك 4 ساعات قبل غسله بالشامبو
طريقة أخرى : يتم تسخين جيل الألوفيرا على حمام مائى ( مراعاه عدم تعريضه للنار بشكل مباشر ) ويتضاف اليف زيت جوز الهند حتى يصبح دافئ وتدلك فروة الرأسى بالخليط .
للبشرة :
1- يخلط جيل الألوفيرا بملعقة عسل وعصير الليمون حتى يصبح الخليط متجانسا ويفرد على الوجه ويترك حتى يجف تماما ، نغسل الوجه بماء دافئ وبعدها بماء بارد وتكرر العملية مرتين فى الاسبوع للحصو على بشرة نضرة وناعمة جداً .
2- يخلط جيل الألوفيرا بزيت اللوز ويفرد على الوجه و يترك حتى يجف و يغسل الوجه بماء دافئ ثم ماء بارد وتكرر العملية لأسبوعين ايضا.
ليست هناك تعليقات:
إرسال تعليق