شئ كنت طول عمرى بدعى بيه وأتحقق الشهر ده الحمد لله
ربنا أعطى لى شرف عظيم وهو أن فى بنت أجنبية صديقتى ومش مسلمة لكنها أسلمت على إيدى الحمد لله و خليتها تنطق الشهادة باللغة العربية بنفسى !
تفاصيل الموضوع :
فى لعبة على الإنترنت عبارة عن عالم إفتراضى بختار أى شئ أنا عايزة أكونه وبختار شكلى ومهنتى لو هشتغل و بيتى و صحابى و بختار عالمى كله زى الحقيقة بالضبط
وطبعاً اللعبة دى عالمية وكل اللى محتاجاه بس شبكة إنترنت وبقدر اتواصل مع لاعبين ولاعبات من كل انحاء العالم عددهم مليار و أنا بحب ألعب اللعبة دى على سبيل التسلية وكنت بغير شكلى كتير جدا.
الناس اللى بتلعب اللعبة دى كلهم بنقابلهم بالصدقة ونبعتلهم طلب صداقة وممكن نخرج سوا ونتسوق ونهزر ونروح نصلى لأن طبعا فى مساجد وكنائس وفى كل حاجة
أنا بلعب اللعبة دى من سنتين بالضبط و قابلت ناس كتير وإتكلمت معاهم
فى مرة كنت فى المسجد فى اللعبة وقابلت بالصدفة بنت فى سنى أجنبية و بتحب الإسلام جدا ونفسها تكون مسلمة فعلاً
كوننا صداقة كبيرة دامت لفترة طويلة إلى حد ما واتكلمنا فى كل حاجة الدين والدنيا
و فى مرة وبالصدفة لقيتها بتقولى خلينى أقول الشهادة !!
أنا مكنتش مصدقة نفسى خالص وبالفعل قولتلها بالعربى وقالت معايا
وطلبت منى أسميها إسم إسلامى وقد كان واخترت لها إسم جميل جدا
ومن يومها وأنا بحمد ربنا ألف مرة أنه ناولنى الشرف العظيم ده وبتواصل معاها كتير عشان نكمل الطريق الجميل والطويل ده
ليست هناك تعليقات:
إرسال تعليق