احيانا كتير بنشوف ناس حولنا بيشتكوا من وجود طاقة سلبية فى حياتهم بشكل عام و بالأخص فى بيتهم فمثلا بنشوف عندهم المزاج العصبى المستمر وعدم الرغبة فى البقاء فى البيت والشعور بالإختناق فى احيانا
علشان كدة قررت اكتب مقال وانشره فى مدونتى عبارة عن نصائح لازم ننفذها فى إطار الحياه بشكل عام وفى البيت خاصة علشان نشعربالطاقة الإيجابية اللى عايزينها
وطبعا وجود طاقة إيجابية فى البيت معناه حياه أسرية وعلاقات أحسن ومذاكرة وشغل و نوم أحسن كمان
ودى خطوات كتبتها :
١- الخطوة الأولى والأهم هى التخلص من كل الأغراض اللى مفيش منها فايدة و مش بنستخدمها ابدا
ومين فينا مش عنده فى البيت مكان للكراكيب والحاجات اللى مش بيستعملها ومحتفظ بيها بس؟
طيب نعمل ايه فى الحاجة دى؟ هنقسمهم جزئين :
- هنتبرع بالحاجات الصالحة للإستخدام لناس محتاجة.
- هنبيع أو هنرمى الحاجات اللى مش عايزينها
وبكدة نكون فضينا البيت من أى اغراض مش محتاجينها ، ورغم أن دى خطوة هتاخد وقت وممكن يوصل لأكتر من يوم لكن هى خطوة ضرورية جدا وبنعتبرها البداية.
٢- التنظيف ثم التنظيف ... مينفعش ابداً نشوف البيت فيه أتربة ونسيبها لأن ده بيعمل طاقة سلبية كبيرة جدا أكتر مما تتخيلوا ، غير طبعا أنه بيجلب أمراض وخصوصا لو فى أطفال فى البيت أو حد مناعته ضعيفة
و علشان كدة لازم نخصص وقت لتنظيف البيت بإستمرار وبردو ده من الخطوات اللى هتاخد شوية وقت فى البداية لكن بعد كدة وبتنظيف البيت أولا بأول هتكون المهمة دى بسيطة جدا وهتتم بدون مجهود وهنداوم عليها خصوصا بعد كمية الراحة والإيجابية اللى هنحصل عليها بعد التنفيذ.
٣- التخلص من أى شئ مكسور : وممكن ندرج الخطوة دى مع الخطوة الأولى لكن فضلت أكتب عنها لوحدها عشان أبين أد ايه الحاجات المكسورة فى البيت ممكن تعمل طاقة سلبية جدا جدا .. فلازم نتخلص من الحاجات المكسورة بوضعها فى كيس بلاستيك حسب حجمها ولفها جيدا قبل إلقائها فى القمامة.
٤- لازم نتخلص من القمامة أولا بأول ومنسبهاش فى البيت لأكتر من يوم لأن ده كمان من العوامل المهمة جدا اللى بتملى البيت طاقة سلبية ورائحة كريهة.
٥- أفتح النوافذ يوميا فى فترة الصبح لأن دخول أشعة الشمس والهواء النقى بيساعد فى ملئ البيت فى الطاقة الإيجابية والشعور بالأمل والحيوية ولازم نخلى بالنا ونقفل النوافذ ليلا بردو للحفاظ على الطاقة الإيجابية.
٦- استخدام الملح فى رش أركان البيت من اليمين لليسار : الملح من أهم العناصر اللى بتساعد فى وجود طاقة إيجابية فى البيت وممكن كمان نضع الملح مع مياه مسح الأرضيات ونمسح بيها البيت وتقدروا تقرأوا عن الملح والطاقة الإيجابية فى الإسلام وفى الثقافة الصينية القديمة.
٧- حرق البخور : حرق أعواد البخور بتعمل رائحة عطرة فى المنزل و بتعتبر خطوة مهمة بعد رش الملح للتخلص من الطاقة السلبية تماما.
٨- اتخلص من الزهور الذابلة : الزهور الزابلة بتكون رمز مهم للشجن والحزن حتى لو مشفناش ده ببساطة ، لكن بتنقل الطاقة السلبية للمكان اللى متواجدة فيه ويعتبر التخلص منها مهم جدا للتخلص من الطاقة السلبية.
٩- عدم تعليق الصور على جدران البيت : تعليق الصور على جدران البيت من أكثر العوامل الشائعة اللى بتجيب طاقة سلبية للمكان وبتخلق جو متوتر جدا ، وكأن الصور تتبعك فى كل مكان وده بيترك أثر سيئ وسلبى فى النفس .
١٠ - لا تلون الجدران بألوان قاتمة : لو نلاحظ دايما فى المستشفيات والأماكن اللى بيحرص الناس فيها على وجود الراحة ، نلاحظ استخدامهم للدرجات الفاتحة من الازرق والاخضر مع الابيض
وعلشان كدة بنصح محدش يستخدم ألوان فاقعة زيادة او قاتمة لأنها بتترك أثر نفسى سيئ وبتجلب الطاقة السلبية للمكان.
١١- والخطوة دى يمكن اختص بيها البنات أكتر من الشباب وهى : بلاش تحطى عرايس و دببة لعبة يا عزيزتى فى كل مكان وخصوصا فى مكان النوم .. حاولى تتخلصى من العادة دى وخصوصا لو العرائس مكسورة.
١٢- استخدم النباتات اللى بتنقى الهواء واللى مش بتحتاج شمس قوية لوضعها داخل البيت لأن النباتات الخضراء دى بتعطى إحساس رائع بتجدد الطاقة والأمل.
١٣- المداومة على قراءة القرآن والصلاة فى كل أركان المنزل والوضوء المتجدد : والخطوة دى مش بس فى البيت طبعا لكن فى كل مكان نحاول ننفذها بقدر الإمكان لأن ده بيعطى الشخص نفسه إحساس بالإيجابية والراحة والهدوء والبال الهادئ وده بينعكس على المكان اللى الشخص متواجد فيه فبينقل الطاقة الإيجابية للمكان
ده غير طبعا أنه بيأثر على العلاقات الشخصية للشخص وبتجعله يتصرف بهدوء وحكمة.
١٤ - غلق باب الحمام دائما
ليست هناك تعليقات:
إرسال تعليق