10 نصائح لمذاكرة أحسن و تحصيل أعلى

حاولت بمناسبة الإمتحانات الأيام دى أجمع بعض نصائح جربتها وقت ما كنت بدرس فى المدرسة والجامعة ونجحت معايا جداً وحصلت بسببها تقديرات عالية 
قبل أى شئ لازم أوضح أن مفيش حاجة إسمها فهم وحفظ و فكرة أن الفهم للمواد العلمية والحفظ للمواد الأدبية
كل شئ بنفهمه لازم بشكل ا نحفظه علشان نعرف نجاوب فى الإمتحانات
طب ليه الفهم لوحده مش كفاية؟
- لأنى ببساطة ممكن أكون فاهمة مبدأ حل مسألة معينة فى الفيزيا أو الكيميا أو الهندسة مثلاً لكن ناسية قوانينهم و فى الحالة دى الفهم ملوش معنى لأن لازم يتم حفظ بعض القوانين و المعلومات عشان أتذكرها فى الإمتحان

1- لازم تنام كويس بالليل وتصحى بدرى تذاكر مش العكس
لأن دى فطرة الإنسان ، لكن للأسف كتير من الطلاب بيسهروا بالليل للمذاكرة ويقاوموا النعاس بأكواب من النسكافيه والقهوة و ده كمان غلط لأنه مع الوقت بيدمر الجهاز العصبى ، ده غير أن الدراسات أثبتت أن الطالب بيحتاج من 6 ل 8 ساعات نوم يومياً لتجديد بناء الجسم وتنظيم إفراز الهرمونات و التقليل من الإصابة بأمراض جسمية ونفسية
فالحل الأمثل تغيير روتين النوم والصحيان .

2- اهتم بالأكل الصحى ولا تلغى وجبة الإفطار ابداً ، لأن وجبة الفطار أساسية ومهمة جدا لتنشيط الذهن والتركيز وتحسين المزاج وخصوصاً لو أحتوت على جبن أو بيض ولبن والقليل من الخبز ، كما أن المبالغة فى تناول كميات كبيرة من الطعام صباحاً تؤدى للشعور بالثقل وعدم التركيز كذلك . فالوسط دائماً مفيد
و من الضرورى شرب الكثير من الماء طوال الوقت للشعور بالحيوية وتناول وجبات سريعة أثناء المذاكرة مثل طبق من الخضراوات أو الفواكه أو حتى بسكويت. 

3- الكتابة : من الحاجات المهمة جدا اللى بتخلى المعلومة تتركز فى الدماغ ومتتنسيش بسهولة أن الطالب يكتب وهو بيحفظ المعلومة أو القانون بتاع مسألة مثلا ، ولو مش هيعرف يكتب وهو بيحفظ يبقى يسمع لنفسه وهو بيكتب فى كراسة منفصلة ، أنا شخصياً كان عندى كراسة منفصلة بسمع فيها أى حاجة وكل المواد وبتكون ملخبطة مش متقسمة بطريقة معينة لأنها مجرد انها بتساعد فى تسميع المعلومات لنفسك.


4- كتابة قائمة بأسماء المواد وتقسيمها على أيام الأسبوع وتحديد المطلوب مذاكرته فى كل مادة
على سبيل المثال :

- يوم الأحد : ألمانى ... الدرس الأول
                 كيمياء... الفصل الثانى مع حفظ القوانين
                 عربى.... مراجعة الدرس الأول والثانى فى النصوص والنحو

- يوم الأثنين : إنجليزى : حل جميع اسئلة الفقرة الأولى فى الإمتحان والتدريب والحل عليها
                   كيمياء : مراجعة الفصل التانى وبداية الفصل التالت
                   فيزياء : مذاكرة الفصل الأول

و هكذا ... و لازم بعد ما أخلص مذاكرة كل مادة ، أحل اسئلة من الكتاب المدرسى والكتب الخارجية عليها والتأكد من الفهم والحفظ معاً
و من المهم جداً أن تعرف القدر الذى تستطيع إنجازه فى اليوم الواحد ولا تبالغ فى كم المواد التى تفرضها على نفسك حتى لا يفشل النظام كله.

5- أعط نفسك فرصة للنوم ساعتين فقط خلال فترة ما بعد الظهر ، وليكن بعد تناول الغذاء ، لأن ده بيساعد الجسم أنه يستعيد حيويته و بيخلى المخ يستوعب معلومات أكتر.. لكن من المهم ضبط المنبه للصحيان بعد إنتهاء الساعتين بالضبط حتى لا يصاب الجسم بخمول وتضييع الوقت.

6- كن منظم ورتب مكان المذاكرة بشكل جيد ولا تضع أمامك جبال من الكتب بدون داعى . أحفظ الكتب فى مكان واحد و لاتضع امامك سوى كراسة التسميع و كتب المادة التى تذاكرها حالياً فقط.

7- حدد أوقات معينة لا تتجاوزها لتفقد هاتفك المحمول ، لأن كثرة النظر للهاتف المحمول ترهق العين و لا تعطى شعوراً بالراحة وصفاء الذهن وتسبب الصداع مما يتعارض مع المذاكرة والتركيز بشكل عام.

8- إستخدم مفكرة صغيرة لكتب فيها قائمة لكل مادة بالأسئلة التى لا تعرف إجابتها أو لا تفهمها حتى لا تنسى أن تسأل أستاذك عنها فى أقرب فرصة ، وتأكد بعدها أنك فهمت وعرفت الإجابات كلها.

9- ابدأ دائما المذاكرة بالمواد التى تحبها أكثر من غيرها ، لأن هذا يشجعك على إتمام باقى المواد بنجاح.

10- أجعل هدفك الحقيقى أمام عينيك كلما شعرت بالإرهاق من المذاكرة ( الكلية التى تريدها مثلاً ) لأن ذلك يساعدك على الإنجاز والتقدم
و لكن لا تبالغ فى تلك الأحلام لدرجة أن تشغلك عن المذاكرة نفسها فتصبح بلا معنى.