من الصناعات التى اشتهر بها المصريون قديماً صباغة الملابس و توليف الألوان منذ حوالى خمسة آلاف سنة و كانت المواد المستخدمة للتلوين من مصادر محلية ، فكانوا يحصلون على اللون الأحمر من جذور شجر الفوة و اللون الأصفر من أزهار القرطم أما الصبغة الزرقاء فكانت تنتج بتخمير أوراق نبات الوسمة. و كان اللونين البنى و القرمزى ينتجان من توليف صبغتى الفوة و الوسمة (الأحمر و الأزرق)! و كانت الخيوط المصبوغة تستخدم فى صناعة الملابس الملكية مثل السترات و القفازات البديعة فى النسج إلا أن عامة المصريين كانوا يفضلون الكتان الغير مصبوغ و ذلك لأسباب عملية لا أكثر إذ أن الكتان أكثر الألياف المُستخدمة فى صنع الثياب و لم يكن من الأقمشة السهلة الصبغ و كانوا يستخدمون الشب كمثبت للألوان عند صبغها و كانوا يتبعون طريقة رائعة و متفوقة للصباغة فبعد كبس الخامة و هى أصلاً بيضاء يقومون بتشبيعها بمثبتات الألوان لا الألوان نفسها و كانت كمية المثبت تُحدد سلفاً بحيث تكون كافية لإمتصاص الألوان بعد ذلك تغمر الأنسجة على حالتها التى لم يطرأ عليها التغيير بعد فى مرجل تغلى فيه الصبغة ثم ترفع على الفور و قد تم صبغها تماماً و من المدهش أن الألوان المكتسبة لا تزال ولا تبهت ابداً و بخلاف الأقمشة ، عرف المصريون القدماء ايضاً صبغ الجلود باللون الأحمر أو الأصفر أو الأخضر فكان اللون الأحمر مصدره نبات الفوة كما هو الحال فى الأقمشة أما اللون الأصفر كان مصدره قشر الرمان أما اللون الأخضر لم تتضح لنا طبيعته بعد

كان المصريون القدماء شديدى الإهتمام بنظافتهم الشخصية و حسن هنادمهم و خصوصاً بالنسبة للكهنة لأنهم خدام الإله.
و لم يقتصر إهتمامهم بالنظافة على الإغتسال كل يوم و لكن فُرض عليهم حلاقة الرأس و اللحية لإبعاد أى حشرات أو طفيليات عن الجسم.
و نجد أنهم إستخدموا مساحيق لتنظيف الأسنان مثل مضع اللبان و الغرغرة بالحليب ليعطى رائحة طيبة للفم ، و فى الأيام الحارة استخدموا حبيبات الخروب المدشوش لتعطير الجسم

فى حوالى سنة 1400 ق.م وجدت جرتان بهما مراهم مطهرة فى مقابر ثلاث نساء من بلاط الملك تحتمس الثالث فى تجهيزات ملكية فاخرة ، كما عُثر على بردية بطيبة بها وصفات لمدلكات للجسم تتكون من مسحوق الكالسيت و النطرون الأحمر و ملح الوجه البحرى و عسل النحل بكميات متساوية.

و لم تتوقف إنجازات المصريون القدماء فى مجال التجميل عند هذا الحد بل وجدوا وصفة ناجحة لعلاج التجاعيد فى البشرة تتكون من صمغ اللبان و زيت اليسار و عشب حب العزيز .
و إذا تشوه الجلد بالندوب التى تتسبب عن الحروق استخدموا لعلاجها مرهماً من المغرة الحمراء (أكسيد الحديديك ) و الكحل و يتم مزجها مع عصارة الجميز .
و بالرغم من أن أغلب المصريون ارتدوا الشعور المستعارة إلا أنهم لم يهملوا الإهتمام بشعورهم الطبيعية و سلامتها و حسن مظهرها ، و كانت الجرار التى عُثر عليها فى المقابر تحتوى على خليط من شمع العسل و الراتنج كدهان لتصفيف الشعر.
و لمنع ظهور الشيب استخدموا قرون الغزلان حيث كانوا يصنعون منها مرهماً و يخلطونها بزيت الشعر
إلا أنهم اضافوا نبات العرعر و نباتين آخرين مجهولين المصدر لنفس السبب و ذلك عندما أكتشفوا أن لنبات العرعر خواص قابضة لمقاومة الشيب و تنبيه فروة الرأس.

و عندما نتحدث عن العيون المصرية لوزية الشكل فقد كانت تُجمل بتزجيجها تحت الجفون بالكحل الأسود
و كان الكحل يُصنع من الجالينا حيث كان يُحفظ فى كتل معبأة فى أكياس كتانية و يسحق بالهاون و يتم نقل مسحوق الكحل الناتج إلى أوانى فخارية جاهزة للإستعمال فى العين عن طريق المراود الخشبية كما يفعل نساء مصر الآن.
و قد أخترعوا الكثير من الوصفات لتطويل رموش العين و علاج أمراض العين عموماً و خصوصاً إحمرار العين الناتج عن السهر عن طريق خلط الكحل و اللازورد و العسل و المغرة و إستخدامها كمرهم للعين
كذلك صنعوا من مسحوق الكرفس و بذور الكتان غسول للعين
و كان الملاخيت الأخضر أيضاً من المكونات الرئيسية للكحل يُجلب من المناطق الصخرية بسيناء إلى داخل وادى النيل اما الجالينا فكانت تُستخرج من أسوان أو من سواحل البحر الأحمر.

و من الطريف أن المصريون القدماء اعتقدوا أنه لا دواء مناسب للعين أكثر من الحب ، حيث وُجدت قصيدة غزلية فى إحدى المقابر تقول فيها فتاه ( حبى مثل دهان العيون ، فعندما أراك فإن الحب يجعل عيناى تشعان )
أما عن طلاء الأظافر فكان مصدره الوحيد الحناء الملونة و التى استخدمت أيضاً كمصدر لصنع طلاء للشفاه بخلط الحناء مع المغرة و الشحم.
كذلك استخدم اللون الأحمر لتوريد الخدود بإستخدام المغرة الحمراء و الدهن و القليل من صمغ الراتنج و هذة الوصفة يرجع تاريخها إلى أربعة آلاف سنة مضت.

أريده أن يكون بيتاً صغيراً كالكوخ
بيتاً أبيض اللون مرسوم على جداره الخارجى الكثير من الطيور و الزهور الملونة بالأزرق و الأصفر و البرتقالى و الأخضر و خصوصاً الأزرق
يطل البيت على نهر النيل . لقد أخترت مكان منعزل حتى لا أسمع إلا خرير الماء و صوتك العذب ينادى بإسمى
أمام البيت يوجد فرن طينى لأصنع لك أطيب أنواع الخبز كل صباح بينما أغنى أجمل أغنيات الحب لك وحدك
و فى الجهة الأخرى للفرن يوجد شجيرات الفل طيبة الرائحة
فى الصباح و قبل ذهابك للعمل تصنع لى طوق من الفل و تضعه كالتاج على خصلات شعرى الأسود الطويل المجعد لأبدو كأميرات الأساطير السحرية

بداخل البيت تختلط رائحة الخبز الطازج مع البخور برائحة المسك الأسود
اتغاضى عن هذة الروائح لألتفت فقط لرائحة عطرك الذى يسحرنى

وقت العصر اجلس بجانب طفلتنا فى مهدها المتواضع اهدهدها و أفكر فى قصة جميلة أحكيها لها فلا أجد أفضل من قصتنا 

فى المساء بجانب النافذة التى تطل على النهر نجلس القرفصاء لنحستى الشاى و أستمع لك بإنصات و إهتمام فأتوه فى عينيك رغماً عنى ، تنظر لى شجيرة الفل فى حسد و استنكار فأرمقها بنظرة حادة لتتركنا و شأننا.

صناعة العطور فى مصر القديمة

إشتهرت مصر فى عهد القدماء المصريين بصناعة الروائح و العطور و بالأخص فى مدينة مندس و هى إحدى مدن الدلتا حيث كانت هذة المدينة تنتج العطور بكميات كبيرة و هى معروفة بجودتها و قوة ثبات العطر و احتفاظه بألوانه الطبيعية و هو ما تفضله النساء
و يبدو أنها أيضاً كانت صالحة للتخزين لوقت طويل دون أن تفسد أو تتغير مكوناتها
و كانت العطور فى هذا الوقت عبارة عن دهان معطر للجسم حيث أنه لم يكتشف الكحول فى ذلك الوقت حتى القرن الرابع قبل الميلاد
و من أهم المكونات الرئيسية اللازمة لصناعة أى عطر (الزيت ، و النبات العطرى)
لذلك كانوا يستخرجون العطور من النباتات أو الزهور أو عروق الأخشاب العبيرية و بعد ذلك يقومون بغمرها فى الزيت
و بعد ذلك كانت الخامات توضع فى قطعة من القماش و تعصر عصراً تاماً لإستخراج أخر قطرة من الأريج و كانت المواد العبيرية تغلى بعد ذلك فى الزيت و الماء بالتبادل حتى يتم إستخراج الزيت فى النهاية
و من أكثر النباتات المستخدمة فى لإنتاج العطور:
- اليسار
- الهجليج ( كان أقل الزيوت لزوجة لذلك فهو أفضلها)
- الخروع
- بذور الكتان
- السمسم
كما تم إستخدام زيت اللوز و زيت الزيتون بدرجة أقل
و كانت إضافة المكونات العبيرية تتم فى إطار تسلسل صارم بحيث تكون أقوى المواد رائحة هو آخرها فى الإضافة.
و السر فى تفوق المراهم المصرية القديمة هو البراعة فى الإختيار و تحديد لحظة إضافة كل مكون من مكوناتها و درجة الحرارة المناسبة لذلك
و من المكونات الأساسية التى تدخل فى صناعة أى عطر (النبيذ الحلو) حيث أنه استخدم لنقع الأعشاب العبيرية فيه أولاً و كان يستخدم أيضاً لتخفيف تأثير العطر إذا كان قوياً أكثر من اللازم. 
و من المراهم العطرية التي كان لها شهرة شديدة في ذلك الوقت مرهم عطر السوسن و قد استُخدم لتعطير الجسد و استُخدم كذلك كمدفئاً و مهدئاً. 
و من المكونات التي تدخل في تحضيره زهور السوسن و الهيل و القرفة و الزعفران و النبيذ و العسل و الملح.

سيدة مصرية تضع القمع المعطر على رأسها

و قد فكر المصريون القدماء فى طريقة أخرى لتعطير الجسم تختلف عن الزيوت و المراهم كدهان
و هذة الطريقة تتلخص فى إعداد كتلة شحم يابسة معطرة مثل شحوم الحيوانات و يعطر بالأعشاب و العطارة و يشكل فى هيئة قمع يركب فوق الرأس أثناء الإحتفالات و المهرجانات و لكنه سرعان ما كان يسيل على الرأس ليلوث الثياب و الجسد.
و هناك سبب وجيه فى إختيار الجرار المصنوعة من المرمر لحفظ المراهم فيها كالجرار التى وجدت فى مقبرة الملك توت عنخ آمون و السبب ببساطة هو قدرة المرمر على حفظ المراهم لمدة طويلة و بهذة الطريقة تتحسن صفة المراهم مع الزمن و لم يخطر ببال أحد أن تستمر للآلاف السنين حيث أن المراهم التى وجدت فى مقبرة توت عنخ آمون ما زالت محتفظة بقوامها إلا أن رائحتها اليوم لا تمت إلى رائحتها الأصلية بأي صلة لما طرأ على مادتها الدهنية من تحلل عبر آلاف السنين. 
و استخدم الكهنة المصريون مادة عطرية أخرى بلغ من أهميتها أنه تم تسجيلها على جدران المعابد و تسمى (الكيفى) و لم يكن يستخدم لتعطير الجسد و لكنه كان يحرق كالبخور فى المعابد و يعطي رائحة ذكية جداً.
و كان زيت الكيفي يُضاف كذلك إلى المشروبات في العصور القديمة و يدخل في صناعته النعناع و القراصيا و المر و ثمار العرعر و الزبيب و العسل و القرفة. 

يرجع إستخدام النباتات فى مصر إلى عهود موغلة فى القدم فقد كان المصريون القدماء يفتخرون بحدائقهم بشكل لا يصدق.
فلم يقتصر إستخدام الأشجار و الأعشاب و الزهور على القيمة الجمالية و الغذائية و العلاجية و للحصول على الروائح الجميلة فحسب
فقد كانت تمثل قيمة روحانية و دينية كذلك حيث شهدت الأراضى المحيطة بالمعابد على زراعات متنوعة و ذو قيمة عالية و كانت مقتصرة على الإستخدامات الخاصة بالكهنة فقط
و قد عثر على كتاب مكتوب باللغة المصرية القديمة من العصر المتأخر يحتوى على اسم النبات و طبيعته و خصائصه الأساسية و الغرض من إستخدامه.
فبخلاف الإستخدامات الطبية ، كانت أجزاء كثيرة من النباتات كالزهور و البذور و اللحاء و الأوراق و الثمار و الجذور تستخدم فى الطهى و صناعة العطور و تزيين المنازل و صنع المستحضرات و المراهم.
و كانت كل حديقة مهما إختلف حجمها تحتوى على بحيرة صناعية تناسب حجم الحديقة بها بعض أنواع الأسماك و تطفو على سطحها زهور اللوتس البيضاء و الزرقاء

على سبيل المثال احتفظ ( مرى رع ) و هو مستشار الملك منتوحتب الثانى بنماذج مصغرة لبيته و حديقة البيت بتفاصيلها تحت هيكله الجنائزى.
فقد احتوت حديقته على أشجار الجميز و النخيل و الدوم و التين الشوكى ، كما أُحيطت البحيرة الصناعية بنباتات عشبية مختلفة و قد تم رسم كل هذا بالتفصيل على جدران مقبرته بالإضافة لتمثال لأمرأة تحمل المؤن و غالباً هى (حتحور) حيث أنها رمز أشجار الجميز المقدسة و هى إشارة إلى انها ترعاه فى الحياه الآخرة.
كما أهتم (إننى) بحديقة داره كذلك و هو مستشار الملك تحتمس الأول و الذى سجل قائمة بكل الأشجار التى تحتويها حديقة قصره ، فقد إحتوت على:
73 شجرة جميز - 31 شجرة لبخ - 170 نخلة - 120 نخلة دوم - 5 شجرات تين - 5 شجرات رمان - 16 شجرة خروب بالإضافة إلى 12 كرمة عنب و غيرهم الكثير.

و كان الشادوف هو الأداه المستخدمة لرى الحدائق البعيدة عن مجرى النيل حيث يتم حمل المياه فى دلاء أما الأراضى القريبة من مجرى المياه فقد تم شق قنوات فى الأرض بحيث تصل المياه لجميع أجزاء الحديقة.
و كان لدى المصريين ولع شديد بالأشجار و التوابل المجلوبة من الخارج كشجرة الرمان التى استفاد المصريين منها فى تزيين الحدائق و استفادوا من ثمارها فى الكثير من الأمور
أما أشجار اللوز و الزيتون فأحتاجت إلى وقت أطول للتأقلم مع جو البيئة المصرية
و قد تحدثت قصيدة غزلية قديمة عن شجرة من أشجار التين التى استوردت من بلاد خارو (سوريا) لتزرع فى مصر كتذكار للحب.
كما جلبت الملكة حتشبسوت جذور بعض أشجار البخور ليتم زرعها فى حديقة معبدها فى الدير البحرى إلا أن المحاولة لم تنجح.
وقد كان لى الشرف شخصياً أن ألتقط صورة لإحدى هذة الجذور فى مدخل معبدها.

و قد كانت الحاجة إلى باقات الزهور غاية فى الأهمية حيث كانت تقدم كقرابين للإله فى المناسبات المختلفة و إنتشرت هذة المهنة بشكل كبير و ازدهرت فى عهد امنحتب الثالث و كان رئيس هذة المهنة يسمى ( نخت ) و هو بستانى القرابين المقدسة لآمون و يعمل تحت يده عدد من البستانيين الآخرين
و نجد فى مقبرته بطيبة نقوش على الجدران و هو يشرف على أعمال البستنة فى المعبد و يرأس العمال الآخرين.

سيطرت النقوش و التطريز و الورود البارزة على أغلب تصميمات الملابس لموضة 2020 ، وفقاً للتصميمات التى عرضتها بيوت الأزياء فى لندن و نيويورك و باريس و ميلانو
و كانت أكثر التصميمات رواجاً فى موسم الخريف تتمثل فى البدلات الرسمية و التصميمات ذات اللون الواحد ، و ظهرت إطلالات تعود إلى موضة السبعينات و أوائل الثمانينات كالأكمام العريضة و الأكتاف العريضة
و توفرت بكثرة الملابس المصنوعة من الجلد كالتنانير و البلوزات و البالطو مع إختلاف التصميمات
كما ظهر البالطو من الجلد الملون بألوان النيون فى أسبوع الموضة فى ميلان

كذلك تواجدت العديد من فساتين السهرة و كان اللون الأسود هو لون الناقة و الجاذبية الأول لجميع خطوط الأزياء و لكن ظهرت كذلك فساتين السهرة باللون الأبيض لإخفاء عيوب الجسم
أما للألوان الخريف و الشتاء المتصدرة لعام 2020 فكانت الألوان المتصدرة هى الظلال الفاتحة و ظلال الباستيل و الأحمر و البرتقال و الأصفر العاجى و الأخضر و الذهبى و الفضى و الوردى و البنفسجى و الأبيض و الأسود و البيج و الأزرق و الرمادى و اللون الأسود بنقشة جلود الحيوانات
و منذ أواخر عام 2018 و حتى منتصف عام 2019 أصبحت ألوان النيود صيحة مسيطرة و لكن فيما يتعلق بموضة ألوان الجلد فى الخريف و شتاء 2020 سيصبح لون الفانيلا الكريمى هو أحدث صيحة للنيود و اللون الأزرق السماوى من الألوان المميزة التى ستطغى على موضة ألوان الجلد هذا الشتاء و الشتاء المقبل

أما بالنسبة لللأقمشة فحافظت أقمشة الجينز على مكانة خاصة بين النوعيات الأخرى من الأقمشة و ظهرت أقمشة الشيفون المنقط فى أسبوع الموضة فى نيويورك

و كأن عجلة الزمان تدور و تدور لتعود بنا إلى آلاف السنين إلى طيبة (الأقصر حالياً) و هى جنة الله على الأرض و عاصمة كيميت (مصر) فى عهد الدولة الوسطى.

فى ذلك العصر العتيق عندما علم ملك مصر أن قائد الجيش الأثيوبى يستعد لغزو مصر مما يشكل خطراً على طيبة
أستعد الملك المصرى لمواجهه الخطر القادم من الجنوب و أعد جيشاً عظيماً بقيادة الشاب المصرى راداميس
عندما يصل راداميس إلى أثيوبيا يقع فى حب عايدة دون أن يدرك أنها الأميرة ابنه ملك أثيوبيا ليتعرض للصراع بين الحب و الواجب الوطني ، فيهرب مع الأميرة الأثيوبية سراً.
حينها يعلم كبير الكهنة ما يحدث فيحكم عليه بالإعدام لخيانة وطنه.

هذة هى أوبرا عايدة التى اكتشفها اوجست ماريتا فى وادى النيل و قد ألفها من قبل ميريت باشا عالم المصريات الفرنسى و كتب نصها الموسيقى جيسلا نزونى و بعد ترجمتها سُلمت إلى الموسيقار الإيطالى فيردى عام 1870
و كان ذلك بطلب من الخديوِ إسماعيل لعرض هذة الأوبرا فى حفل إفتتاح قناه السويس.

و يُعيد التاريخ نفسه فى العام 2019 إذ أُقيمت أوبرا عايدة مرة أخرى فى نفس المكان الذى تحدثت عنه القصة
إنها مدينة الأقصر العظيمة التى شهدت الحب و الحرب و الولاء و الخيانة و صراع الديانات و صراع العروش
حيث عُرضت أوبرا عايدة يومى 26 و 27 أكتوبر أمام صرح معبد حتشبسوت ملكة مصر العظيمة
و لا أعلم هل تم أختيار المكان بمحض الصدفة أم أن لإختيار معبد حتشبسوت بالذات مغزى
فقد تعرضت ملكة مصر نفسها لصراع بين الحب و الواجب الوطنى حيث أنها أحبت مهندس معمارى بسيط من عامة الشعب يُدعى ( سننموت) و ارتبطت روحها بروحه و لكنها ضحت بحبها و لم تتزوج منه حتى لا تفقد عرش مصر الذى ملكته ل 22 عاماً بقلبها و سمحت له ببناء قبره بالقرب من معبدها حتى تتلاقى أرواحهم فى العالم الآخر.

و سواء كان إختيار المكان بقصد أو بالصدفة ، فلا يسعنى إضافة أى تعليق إلا أن أقول لجدتى العظيمة حتشبسوت : لقد قُمتى بواجبك على أكمل وجه وفضلتى الواجب الوطنى على الحب و اليوم و بعد آلاف السنين يقص الناس قصة غنائية جميلة أمام معبدك الذى بناه حبيبك المهندس العبقرى سننموت
و بالرغم من أن قصة الملكة حتشبسوت حقيقية و قصة أوبرا عايدة مُؤلفة إلا أنه لم يشهد على تفاصيل القصتين كاملتين سوى جدران المعبد العظيم الذى شهد كل الحب و الحزن و الولاء...

و قد قام بتغطية حفل أوبرا عايدة الشاب المصرى مصطفى كريم و قد زودنا بالكثير من الصور الرائعة تحكى الكثير من المعانى و تنقلنا إلى عالم آخر...
لزيارة صفحة المصور الشخصية : اضغط هنا
ملحوظة : لا تحاول إستخدام الصور إلا بعد موافقة المصور نفسه

و الآن أترككم مع الصور

كريم الأساس فى شكله النهائى

بالنسبة لى أنا كهالة مش بشجع البنات تستخدم المكياج بشكل يومي لأنه مهما كانت ماركته ممتازة بيحتوى بردو على مواد كيميائية بتبوظ البشرة.
لكن عملت طريقة منزلية الصنع و نسبة الكيماويات فيها ضئيلة جداً
و زى ما قولتلكم أهم حاجة أنكم تستخدموا المكياج عموماً فى المناسبات بس مش كل يوم و تكونوا حريصين على انكم تشيلوه كويس قبل النوم و تنظفوا بشرتكم من أى آثار له.

نيجيى للخطوات العجيبة المريبة 😂

1- أول حاجة هتحتاجى فنجان شاى بس يكون تقيل جداً ، هتجيبى ماية و عليها 4 ملاعق كبيرة شاى
و تسيبيه يغلى كتير على النار كأنك بتعملى شاى بس لازم يغلى كتير عشان يكون تقيل جداً
و طبعاً إحنا مكترين الشاى و مقللين الماية عشان يكون مركز
و لازم تسيبيه يبرد تماماً قبل الإستخدام

الشاى المركز البارد

2- هتحتاجى كريم مرطب للبشرة يكون نوعه كويس بس فى نفس الوقت يكون خفيف زى Dove مثلاً و مش هنحتاج كريم تقيل زى Nevea فى العملية دى لأن كريم Nevea تقيل و مش هيختلط بأى حاجة فهو مرطب كويس لوحده مش هنستخدمه فى الفاوندشن

كريم الوجه مع البودر

3- ثالث حاجة مش أساسية و ممكن نكتفى بالخطوطين اللى فاتوا بس لو تحبى فممكن تجيبى بقايا أى بودر قديم كنتى بتستعمليه و ركناه

الطريقة :

- هتجيبى الأول علبة ليها غطاء تكون نظيفة و جافة تماماً و تحطى فيها البودر بتاع الوجه و تكسريها تماماً لحد ما تبقى مفتتة و زى ما قلت ده مش اساسى و بعد كدة هتضيفى عليها كريم الوجه و و تضيفى الشاى المركز البارد بالتدريج و تقلبى
المفروض هتبطلى تحطى الشاى أول ما تلاقى لون الخليط مناسب لبشرتك
لو لقيتى الخليط بقى غامق زيادة عن بشرتك زودى شوية كريم صغيرين و لو لسة فاتح زودى من الشاى المركز لحد ما توصلى للون المطلوب و ممكن تجربى على بشرتك عشان تتأكدى

هل للملابس فلسفة؟
كيف يمكن لشئ بسيط كالملابس أن يكون له فلسفة؟
فى الحقيقة قرأت منذ وقت طويل مقالاً يحمل نفس العنوان للكاتب الكبير محمود عباس العقاد فى كتابه (ساعات بين الكتب) فقررت أن آخذ نفس العنوان و لكن المقال نفسه مختلف تماماً لأنه يحمل رأيي الشخصى.
فى الحقيقة نعم ، للملابس فلسفة خاصة بها  فكل إنسان يضع جزءاً من نفسه و روحه فيما يلبسه
فمثلاً الشخص الذى يفضل إرتداء الملابس الفاخرة حتى و إن كانت فى وقت غير مناسب فنجد أنه ربما يسعى للمثالية أكثر من اللازم و ربما تجد لديه مسحة من الغرور و الإعتداد بالنفس المبالغ فيه ، و قد يخفى ضعفاً فى الشخصية أو مشكلة نفسية ما وراء هذا المظهر.
كما أن الشخص المهمل لملابسه بشكل مبالغ فيه أيضاً دليل على إستهتاره بالأمور الكبيرة فى الحياه و فكر غير منظم و شخص غير مبالِ.
و لكننى أؤكد لك عزيزى القارئ أن ما سبق قراءته مجرد رأى قاصر لا يعبر عن جوهر الشخصية و سأشرح لك لماذا!
أولاً: تختلف نظرة كل شخص و يختلف حُكمه على ملابس كل من يراه ، فما تراه أنت جيد و مُهندم يراه غيرك غير لائق و لايصلح حتى للإستخدام و هذا هو السبب الرئيسى لعدم الحكم التام على شخص من خلال ملابسه
فإذا كانت نظرة كل فرد للملبس نفسه تختلف بُناءاً على خبراته السابقة و تفكيره و الوسط الذى تربى فيه ، فكيف بإمكانه الحكم على شخصية فرد من ملبسه؟!
و هكذا يرى كل منا الجمال و القبح بشكل مختلف سواء فى الملبس أو ذوق الطعام أو شكل المسكن و لايمكن الحكم بشكل قاطع على أى شخص من ملبسه.
و مع ذلك يمكن أن يعطى الملبس إنطباع بسيط عن الشخص فالتفاصيل الصغيرة فى الملابس و مدى شفافيتها و ألوانها تعبر بشكل بسيط عن هذا الشخص.
فمثلاً من يرتدى الملابس السوداء بشكل يومى و دائم لا يمكن وصفه بالكئيب و لكن يمكننا القول أنه متحفظ بشكل مبالغ فيه و قليل الكلام و عملى إلى حد بعيد.
على عكس من يحب الألوان الصارخة الضاربة و التى تؤذى العين يميل أكثر للهستيرية و المزاج سريع التقلب.
أما من يختارون ألوان معتدلة و مناسبة فسنجد أن  هذة الألوان لها دلالات نفسية تعبر عن صاحبها كذلك.

كما لا يُمكننا إغفال الموضة المعاصرة المنتشرة مؤخراً و التى تعبر عن المزاج العالمى بل و يمتد الأمر أنها تعبر عن القضايا المعاصرة كذلك
خذ على سبيل المثال موضة السراويل المقطعة و السراويل القصيرة التى لا تصل لنهاية القدم
ألا يعبر هذا و لو بشكل بسيط عن القضايا المعاصرة و الرائجة هذة الأيام كإعطاء الحرية الكاملة للمرأة دون تقييد؟
ألا ترى معى أن القطع المقصود الذى انتشر فى الملابس بشكل عام فيه شئ من اللامبالاه؟
كأن الملابس تعبر عن حالها و تقول : أنا لا ابالى بحالة الإكتئاب التى انتشرت فى العالم مؤخراً و بالحروب و النزاعات ، هذة الملابس صُنعت لمن يريدون الخروج عن تقاليد المجتمع الرتيبة و لهؤلاء الذين يريدون الشعور بالحرية !
و كذلك تقول : نحن فى عصر يحلم بالمساواه بين المرأة و الرجل و الغنى و الفقير فهذا القطع الذى كنت تراه فى ملابس الفقراء أصبح للأغنياء كذلك بل إنه أصبح موضة مرغوباً فيها !

بمناسبة أن وزارة الشباب و الرياضة فتحت باب الحجز لرحلة الأقصر و أسوان تانى
فحبيت أتكلم عن أيامى فى الأقصر و أسوان إزاى قضيتها؟
و ايه هو برنامج الرحلة؟

كنت كتبت قبل كدة موضوع عن إتعلمت ايه من رحلة الأقصر و أسوان لكن المرة دى هتكلم عن البرنامج اليومى الرائع للرحلة

أولاً أنا سافرت يوم 22 فبراير 2019 و السفر كان بالليل
كنت فى محطة القطارات الساعة 9 و القطار قام الساعة 11 بالضبط
فى البداية أول ما توصلوا لمحطة القطارات بتسألوا عن الرصيف المتجه للصعيد و بتدوروا فى المحطة عن مشرف الرحلة اللى تبع وزارة الشباب و بتفضلوا معاه عشان تركبوا مع الرحلة فى نفس القطار و محدش يتوه
بعد ما تركبوا القطار بترتبوا شنطكم فى المكان المخصص ليها
هتحتاجوا و انتم فى القطار النظارة السوداء القماش اللى بتساعد على النوم لأن إطفاء النور فى القطار ممنوع و ده لقواعد السلامة و خصوصاً أن السفر بالليل
و هتحتاجوا مخدة الرقبة الهوائية لأنكم بطبيعة الحال هتناموا و تقوموا كتير و عشان تكون الرحلة مريحة
بعد كدة القطار هيتحرك بهدوء الأول لحد الفيوم و بعدين بياخد سرعته الطبيعية و الرحلة بتكون ممتعة جداً فعلاً
قطار وزارة الشباب نظيف و مريح فمفيش مشكلة فى النقطة دى
بعد شوية هيمر رجل بيبيع أكل و مشروبات لو حد محتاج يشترى منه

اليوم الأول
هتوصلوا الأقصر تانى يوم حوالى الساعة 8 و نص أو 9 صباحاً و أول ما بتخرجوا من القطار بتلاقوا اتوبيسات وزارة الشباب مستنياكم قدام المحطة و هى اللى هتنقلكم طوال الرحلة من و إلى أى مكان

من داخل القطار وقت الشروق قبل وصول الأقصر بنص ساعة

أول ما توصلوا المدينة الشبابية فى الأقصر و هى بالمناسبة فى منطقة إسمها (طود) بتنقلوا شنطكم للغرف و لكن أولاً بتسكنوا فى الغرف حسب البطاقة
المدينة الشبابية حوالى 4 أدوار و مُجهزة زى فنادق ال 5 نجوم بالضبط و مريحة و نظيفة جدا جدا
كل مجموعة بتسكن مع بعضها فى الغرفة بحد أقصى 4 أفراد فى الغرفة الواحدة و كل غرفة ليها حمام خاص بها و ثلاجة و تليفزيون (مش هتحتاجوا تفتحوا التليفزيون لحظة)

المدينة الشبابية

حديقة المدينة الشبابية

بعد ما تسكنوا الغرف بتنزلوا لمطعم المدينة الشبابية و بتستلموا وجبة الإفطار و هنا عايزة أقول إن وجبات الرحلة سواء إفطار أو غذاء أو عشاء ممتازة و نظيفة و طعمها كويس جداً
وبالنسبة لإستلام الوجبات هتاخدوا كوبونات مكتوب فيها إفطار اليوم الأول - إفطار اليوم الثانى و هكذا... و نفس الطريقة للغدا و العشا عشان تستلموا الوجبات دى حافظوا على الكوبون كويس.

إفطار أول يوم كان فى الغرفة وسط الأصدقاء

كوبونات إستلام الوجبات

أنا كل لحظة قعدت فيها فى الأقصر كانت زى البيت بالضبط
بعد ما بتفطروا بترتاحوا شوية فى غرفكم و بتبدأوا تتعرفوا على زمايلكم فى الغرفة و اللى أنتو بتكونوا مختارينهم من الأساس من خلال تعارفكم فى القطار
فحاولوا تختاروا أشخاص تشبهكم أو مرتاحين فى التعامل معاهم
بالنسبة لى الرهبة بتاعة السفر راحت أول ما قعدت مع البنات و فطرنا سوا و إتعرفنا على بعض
بعد فترة بتنزلوا تستلموا وجبة الغذاء و بتكون فى المطعم نفسه
حوالى الساعة 6 أو 7 حسب ما المشرف يقرر ممكن تناموا أو تهزروا أو أى حاجة و بعدين تجهزوا نفسكم لأول خروجة و المشرف بيقولكم تتجمعوا قدام الباص فى وقت معين (بيعلن عنه فى مايكروفون الريسبشن)
بتركبوا الباص و بتروحوا معبد الكرنك بيكون بعد الغرب عشان تحضروا عرض الصوت و الضوء و ده عرض مميز جداً بتكون الدنيا ليل تماماً و بتيم توجيه الضوء على كل تمثال فى المعبد و بتسمعوا صوت جهورى كأن التمثال بيتكلم

قبل عرض الصوت و الضوء بلحظات

أثناء عرض الصوت و الضوء

العرض مُبهر جداً جداً وبتفضلوا ماشيين كل شوية بعض ما جزء من العرض يخلص لحد ما تشوفوا المعبد كله بالطريقة دى
بعد كدة بتتوجهوا لمسرح داخل المعبد نفسه قدام بحيرة آمون المقدسة و بتسمعوا عرض كامل لقصة المعبد من الصوت و الضوء

مسرح المعبد من أمام بحيرة آمون

فى النهاية بتتوجهوا للباص تانى و بترجعوا المدينة الشبابية ، كان فى محاضرة تثقيفية و توعوية للشباب فى وقت رحلتى أنا فأتجهنا لمسرح المدينة و ألقى الدكتور (سمير غنيم) محاضرة ممتازة إستفدنا منها كتير
بعد كدة بتستلموا وجبة العشاء و بتناموا

اليوم الثانى

لازم تدربوا نفسكم على الإستيقاظ بدرى لأن الإفطار من الوقت ده هيكون الساعة 7 صباحاً بالضبط

إفطار أول يوم و ده مثال أن شكل الفطار بيكون كدة

أنا كنت بقوم من 6 و نص بجهز نفسى و بصحى زميلاتى كمان فى الغرفة
هتنزلوا تفطروا فى المطعم و مجهزين نفسكم لأنكم هتخرجوا من المطعم على الأتوبيس على طول مفيش طلوع للغرف تانى دلوقتى
هتتجهوا لمعبد الكرنك تانى بس بما أن الوقت صباحاً فمفيش عرض صوت و ضوء و هتشوفوا كل الآثار فى وضوح النهار و هيكون معاكم مرشد سياحى هيعرفكم على كل حاجة و يشرح الآثار دى و لازم تكونوا معاه فى الأول و هو بيشرح و بعد كدة هيترك لكم باقى الوقت كله جولة حرة مع صحابكم تتفرجوا على كل حاجة تانى

معبد الكرنك و طريق الكباش

أعمدة معبد الكرنك

أعمدة معبد الكرنك

طريق الكباش

سقف جزء من معبد الكرنك ما زال محتفظ بألوانه

معبد الكرنك من الداخل

أنصحكم بلاش ملابس تقلية جداً لأن المنطقة صحراوية بطبيعة الحال حتى فى الشتاء بيكون الجو معتدل جداً مش بارد
و المشرف هينبه عليكم تتجمعوا عند الباص فى المكان المحدد علشان تتجهوا لتانى مكان و هو معبد الأقصر

معبد الأقصر

معبد الأقصر

الحقيقة المعبدين متصلين ببعض من الداخل بس إنتم هتدخلوا مع المشرف من البوابة و محدش يحاول يعمل العكسفى معبد الأقصر نفس الطريقة هتشوفوا الآثار مع المرشد و هيشرح و بعد كدة هتتجولوا فى المكان
بعد ما تتجمعوا فى الأتوبيسات فى المعاد المحدد بترجعوا المدينة الشبابية و تتناولوا وجبة الغذاء فى المطعم و بيكون فى وقت راحة فى الغرفة لحد بالليل بتنزلوا فى المدينة نفسها جولة حرة من غير أى إلتزام ببرنامج محدد

مثال لوجبة الغذاء

                                                 
بتتجولوا فى السوق السياحى و هو بالمناسبة قدام معبد الأقصر بالضبط و دى فرصة كويسة هتشوفوا معبد الأقصر تانى بالليل بس من الخارج و هو منور بيكون المنظر رائع
السوق السياحى كله هدايا تذكارية زى التماثيل و الملابس المنقوشة بالهيروغليفية و عطارة و مشغولات يدوية رائعة جداً
بعد الجولة ما تخلص بترجعوا المدينة الشبابية لتناول العشاء و النوم

بوابة السوق السياحى

السوق السياحى من الداخل

اليوم الثالث

بعد الإفطار بنفس النظام بالضبط و نفس الوقت بتتجمعوا تانى فى الأتوبيسات و تستعدوا للتوجه إلى معبد حتشبسوت فى منطقة القرنة

معبد حتشبسوت

بالنسبة لزيارة معبد حتشبسوت فأنصحكم تلبسوا أخف ملابس لأن المعبد فى الصحراء تماماً على عكس معبد الكرنك و الأقصر فى وسط المدينة
الجو بيكون هناك حار جداً مع العلم إنى كنت هناك فى وقت المفروض شتاء أصلاً و لازم يكون معاكم شمسية أساسى
المعبد جميل جداً و كله تماثيل لحورس و حتشبسوت و بالداخل فيه حجرة عليها نقوش ملونة
بعد زيارة المعبد هتتجمعوا فى الأتوبيسات تانى
فى رحلتنا كنا المفروض نتجه بعد كدة لمعبد هابو بس إحنا طلبنا من المشرف أننا نزور وادى الملوك كمان قبله 
و بالرغم أن وادى الملوك مش من برنامج الرحلة إلا أن المشرف وافق و قلل من وقت زيارة معبد حتشبسوت علشان زيارة وادى الملوك و كان متفهم جداً و ساعدنا كتير

الطريق بين معبد حتشبسوت و وادى الملوك

تذاكر دخول وادى الملوك

مقبرة الملك رمسيس الثالث من الداخل

زرنا وادى الملوك و دخلنا 3 مقابر ملكية من ضمنهم مقبرة الملك رمسيس الثالث
فى وادى الملوك و معبد حتشبسوت فى طفطف بينقلكم من بوابة الدخول للمكان بالداخل لأن المسافة كبيرة و كلها فى الصحراء تماماً و صعب المشى كل المسافة دى
بعد وادى الملوك الأتوبيسات بتتجه لمعبد هابو و ده معبد جنائزى نقوشه رائعة جداً

معبد هابو الجنائزى

بعد معبد هابو بتتجهوا بالأتوبيسات لحد نهر النيل و بتركبوا مراكب بتروحوا جزيرة الموز
جزيرة الموز موجودة فى وسط النيل و بتتسمى كدة لأن كلها أشجار موز و فى هناك أقفاص كبيرة فيها قرود و قفص فيه تمساح
المكان رائع جداً لأن بعد حر اليوم و إرهاقه بتقعدوا فى مكان هاوى على النيل و بتاكلوا موز و المكان يهدى الأعصاب.

جزيرة الموز

فى النهاية بتتجهوا للمدينة الشبابية للغذاء و بتنزلوا تانى للمدينة بالليل
قبل الجولة الحرة فى السوق فى اليوم ده كان من حظنا أن اليوم ده موافق إحتفال مهرجان السينما الأفريقى أو حاجة زى كدة مش متذكرة الإسم بالضبط ، فدخلنا سينما مجاناً كانت بتعرض فيلم اسمه (على الحدود) و هو فيلم سنغالى و كان فى شخصيات كبيرة حاضرة فى مجال صناعة السينما.
بعد كدة بتروحوا الجولة الحرة بتاعة السوق السياحى زى اليوم اللى فات بالضبط  بترجعوا و بيكون فى (حفل سمر) فى تراس المدينة الشبابية بتتعشوا هناك و بيكون فى عزف جميل و بتضحكوا مع أصدقائكم و فى نهاية الحفلة و قبل النوم بتجهزوا شنطكم لأن تانى يوم الصبح بتسافروا بنفس الأتوبيسات لأسوان.

اليوم الرابع

المسافة بين الأقصر و أسوان حوالى 3 ساعات ، بعد ما توصلوا أسوان بتسكنوا فى المدينة الشبابية هناك بنفس الطريقة بس المشكلة أن مفيش هناك أسانسير فبيكون فى معاناه شوية فى انكو تطلعوا الشنط للغرف
كمان الحمام فى أسوان بيكون خارج الغرف
بعد ما تسكنوا فى الغرف بتنزلوا مطعم المدينة بردو و بتتناولوا وجبة الغذاء و بعد كدة وقت الراحة لحد بالليل
بالليل بتتجهوا لمتحف النيل

متحف النيل

شعار متحف النيل

متحف النيل من الأماكن الجميلة جداً و بيحكى عن مدى إرتباط مصر بالقارة السوداء
جوه المتحف هتلاقوا شاشات عرض فيها صوت ماية النيل و الحيوانات اللى بتعيش على ضفاف النيل و تماثيل بالحجم الطبيعى لفيل و تمساح و ديك




هتحسوا أنكم فى رحلة للبرية
المتحف كمان فى لوحات جميلة جداً مرسومة بالزيت لفنانين و فيه حوض سمك كبير جداً و فيه سلاحف مائية كمان
و بره المتحف هتلاقوا شعار ضخم جداً لدول حوض النيل

دى أكتر لوحة لفتت نظرى

حوض السمك داخل المتحف

                                     
فى نهاية اليوم هتتناولوا العشاء أما ترجعوا و تناموا
المدينة الشبابية فى أسوان بتطل على ستاد كرة قدم ضخم و حوله تراك للجرى ، فممكن اللى حابب يلعب رياضة فى أوقات الفراغ يسأل على بوابة دخول الستاد عن مواعيد إستخدام التراك

اليوم الخامس

بعد الإفطار بنفس الطريقة و النظام بتتجهوا لمعبد فيلة (يُنطق فيلة كأنكم بتقولوا أنثى الفيل و ليس فيلّة و ده خطأ شائع)
معبد فيلة هو أصلاً جزيرة فى وسط النيل و تسمى جزيرة فيلة و فيها مجموعة معابدهتركبوا المركب و هتكون معاكم مشرفة هتشرح المعبد هناك عامل ازاى و هتشرح المناظر كلها و خصوصاً الموجودة فى معبد إيزيس

نحت يبين إيزيس و حورس

صورة لجزيرة فيلة من المركب

المعبد بيطل على منظر طبيعى رائع غير شكل الآثار نفسها

هترجعوا المدينة الشبابية لتناول الغذاء و ترتاحوا شوية
على الساعة 6 بالليل بتتوجهوا لمتحف النوبة و ده متحف التصوير فيه بحوالى 20 جنيه

متحف النوبة من الخارج

المتحف بيحكى عن تاريخ مصر القديمة مع حضارة كوش (النوبة) و الصراع القائم بينهم أيام عهد الأسرات
المتحف فيه مومياوات و آثار زى أدوات التجميل اللى استعملتها النساء فى الوقت ده و إكسسوارات و ملابس و تماثيل كتير جداً و كل ما يخص حضارة كوش
و كمان فى لوحات كبيرة مطبوعة بتحكى عن التاريخ ده للى عايز يفهم أكتر
بعد كدة بتروحوا جولة حرة فى مدينة أسوان و السوق هناك مشهور جداً بالعطارة ، أنصحكم بشراء العطارة من هناك لأنها مزروعة أصلاً هناك و بتكون طازجة جداً و السوق كمان مشهور بالأسماك المخللة و فى ناس بتشترى أسماك مُعلبة بتتعبأ بشكل نظيف و مُحكم عشان ميحصلش مشاكل أثناء الرجوع و السفر
 بس قارنوا بين جودة المنتجات و الأسعار لأن المحلات هناك كتير جداً
 فى نهاية الجولة بترجعوا المدينة الشبابية تانى لتناول العشاء و النوم و بكدة يكون اليوم الخامس خلص

اليوم السادس

بعد الإفطار بتتوجهوا للقرية النوبية و بردو بتروحوا بالمراكب و هتشوفوا بيت الفنان محمد منير من المركب
النوبة جميلة و كلها بتطل على النيل لأن النيل مٌقدس عندهم و طبعاً القرية كلها شجر و بيوت ملونة و بتطل على مناظر جميلة جداً بين الصحراء و النيل و الماية

بتكون معاكم المرشدة بردو و بتدخلوا بيت من بيوت أهل النوبة الكرام بيستضيفوكم عندهم و بيقدموا شاى جميل و بيكون فى ست بترسم حنة للبنات
و هنا لازم تسمعوا كلام المرشدة لأنها هتنبه على أنكم ترسموا حنة فى المكان اللى فيه البيت بتاع الراجل المُضيف فقط و أى رسم فى أى منطقة تانية هتحذركم منه لأنها بتكون مغشوشة و فيها مواد كيماوية
و بالفعل اللى مسمعش كلامها من البنات بشرتهم التهبت جامد فخدوا كل التحذيرات فى الإعتبار
بعد القرية النوبية هتتوجهوا بالمركب بردو لجزيرة النباتاتو دى جزيرة رائعة و أكتر مكان عجبنى شخصياً فى أسوان لأنها معمل و متحف طبيعى لكل النباتات النادرة فى العالم كله





أيام الحروب فى الدول الأخرى كانوا بيحتفظوا بشتلات النبات فى المكان ده عشان يستردوها تانى بعد كدة منعاً للإبادة التامة
فى هناك أنواع زهور غريبة و جميلة جداً و أشجار ضخمة و مًعمرة
و داخل الحديقة فى متحف صغير بيضم أوراق نباتات مًختلفة و بيانات تحت كل نوع و الإسم العلمى و هكذا
لو حد زار المكان و هو بيدرس النباتات فى كلية العلوم هيستفاد جداً جداً
هتتوجهوا بعد كدة للمدينة الشبابية لتناول الغذاء و بعد كدة هتنزلوا تانى جولة حرة فى السوق زى اليوم السابق بالضبط

اليوم السابع

بتتوجهوا بعد الإفطار للسد العالىالمكان رائع بمعنى الكلمة و بمجرد ما تستعيد طريقة بناء السد هتحس بفخر شديد و هيكون فى مرشدة بردو هتشرح تاريخ السد العالى كله

السد العالى جنب السد العالى فى رمز الصداقة و ده بيتكلم عن الصداقة و العلاقات بين مصر و روسيا و المكان بردو على النهر و جميل جداً

رمز الصداقة

بعد كدة بترجعوا المدينة الشبابية و بتتناولوا وجبة الغذاء و بترتاحوا شوية و بعد كدة بتنزلوا جولة حرة فى أسوان تانى زى اليوم السابق بالضبط نفس المكان
و بترجعوا بتتناولوا وجبة العشاء و بتروحوا فى جولة حرة أخيرة للسوق
أما بترجعوا بالليل بتجهزوا شنط السفر إستعداداً للمغادرة تانى يوم
الصبح بتحطوا الشنط بتاعتكم فى الأتوبيسات و بتتجهوا للمطعم تتناولوا وجبة الإفطار و بتاخدوا وجبة المغادرة معاكم
الإتوبيسات بتاخدكم لمحطة القطارات و بتركبوا القطار حوالى 4 العصر و بتوصلوا محطة مصر تانى يوم الصبح الساعة 8 أو 9
و بكدة تنتهى الرحلة.

ملحوظات مهمة :

1- أولاً احرصوا زى ما قولت على وجود نظارة القماش الخاصة بالنوم ووسادة للرقبة طول رحلة القطار و ممكن كمان تاخدوا معاكم بطانية خفيفة صغيرة للفرد الواحد فى القطار

2- لازم يكون معاكم شمسية يوم زيارة معبد حتشبسوت و زجاجات ماية لأنه فى الصحراء تماماً و الشمس هناك صعبة.

3- الملابس اللى هتخدوها معاكم عموماً متكونش ثقيلة جداً ولا خفيفة جداً يعنى معتدلة أحسن حاجة

4- قارنوا أسعار كل المحلات فى كل الأماكن قبل الشراء علشان فى ناس بتزود السعر بشكل مبالغ فيه و خصوصاً فى النوبة

5- وجبات الإفطار و العشاء فى الأقصر و أسوان كتيرة جداً للفرد الواحد فأنصحكم أى أكل يتبقى منكم حضروه بشكل كويس و أعطوه لأى محتاج خلال الجولات الحرة.