فيلم Expedition Happiness أو بعثة السعادة
لو جيت أوصف الفيلم ده بكلمة بجد هقول عليه كلمة (فيلم دافئ)
من أجمل الحاجات الموجودة بالفعل على نيتفليكس ، و هو ميعتبرش فيلم بالمعنى الحرفى للكلمة ؛ هو عبارة عن توثيق رحلة زوجين من ألمانيا قرروا يبيعوا كل اللى معاهم و اشتروا حافلة مدرسية قديمة فى أمريكا.
أعادوا تدوير الحافلة بالكامل و صنعوا منها بيت صغير متحرك و طلعوا فى رحلة إستكشافية للطبيعة بحثاً عن السعادة
الرحلة الإستكشافية كانت صعبة و طويلة و استغرقت شعور شهور من آلاسكا فى أقصى الشمال و حتى قارة أمريكا الجنوبية
أجمل ما فى الفيلم أن مهما الزوجين قابلوا من صعاب و لحظات جميلة كانوا دائماً مبتسمين و إيجابيين
و لو إتعلمنا منه حاجة هنتعلم أن الحياه وسط الطبيعة أروع بمراحل من حياه المدينة
و أن الرحلات الإستكشافية مع الأسرة دائماً أفضل و بتعطى إحساس عارم بالسعادة
و كمان من أجمل الحاجات فى توثيق اللحظات دى أن الزوجة أصلاً مغنية ، فالموسيقى التصويرية ل اللحظات السعيدة و الحزينة كانت بصوتها و عزفها
أنصحكم بشدة أنكم تتفرجوا على الفيلم الرائع ده لأنه أفضل توثيق لرحلة شوفتها فى حياتى !
جمييييييل
ردحذفربنا يخليك تسلم
حذفحقيقى من أجمل أفلام نيتفليكس