 |
| الشكل النهائى للغلاف |
 |
| الأدوات المستخدمة |
 |
| الصمغ الصلب |
الحقيقة أنا اندهشت إنى بحب الأعمال اليدوية !
كل واحد فينا بيكتشف مواهب كانت موجودة فيه مع الوقت و زى ما بيقولوا الحاجة أم الإختراع
أنا كان عندى غلاف الموبايل الشفاف ده و مع الأسف الغلاف مع الوقت بيتحول للأصفر البنى و بيخفى لون الموبايل (موبايلى أزرق) فعلشان كدة فكرت أحاول انظفه اكتر من مرة بس بدون جدوى
فقررت أخفى لونه خالص بألوان تانية ، و عشان أنا بحب حوريات البحر و نجوم البحر و كل حاجة ليها علاقة بالبحر فقررت أعمله على شكل البحر زى ما فى الصورة
الأدوات اللى استخدمتها :
- جليتر بألوان مختلفة ( فيروزى و أزرق و بنفسجى )
- صمغ صلب مش سائل
- حبات لولى كانت عندى أصلاً ( حصلت عليها من وقوع رؤوس الدبابيس)
- صمغ (أوهو) للصلق المواد الصلبة
- نجمة البحر كانت عندى من آخر سفر ليا فى مطروح ( اخدتها و حنطتها )
الطريقة :
- فى البداية احضرى غلاف الموبايل لوحدة و ادهنى سطحه الخارجى كله بالصمغ الصلب
- انثرى عليه الجليتر بشكل عشوائى زى ما تحبى
- اتركى الغلاف ليجف تماماً ( حوالى تلت ساعة)
- استخدمى صمغ أوهو للصق نجمة البحر و اضغطى عليها برفق حتى لا تنكسر
- استخدمى صمغ اوهو للصق قطع اللولى ( كل قطعة بنقطة صمغ على حدى) و ده هياخد شوية وقت بس أفضل من أنك تحطى الصمغ كله مرة واحدة و حبات اللولى ورا بعض مرة واحدة لأن غالباً الصمغ هينشف أسرع من انك تحطى حبات اللولى
- اتركى الغلاف يجف 10 دقائق.
ملحوظة : حبات اللولى اللى فى الصورة لقيتها كبيرة جداً و هتكون مش مناسبة فإستخدمت الحجم الأصغر اللى فى الشكل النهائى
ينهاااار ابيييض واااااااااااو
ردحذفتسلم يارب ربنا يخليك ^_^
حذف