زمان أوى أوى ظهرت أساطير كتير عن حوريات البحر ، و لحد النهاردة الأساطير دى متداولة بين الناس فى العالم كله
حورية البحر هى بنت جميلة جدًا نصها بشرى و نصها الأسفل سمكة
المعروف عنها أن صوتها راع جدًا يليق بصوت حوريات فعلاً و أن البحارة بس هم اللى يقدروا يسمعوها ، و أول ما يسمعوا صوتها بيتسحروا و يفضلوا وراها لحد ما يغرقوا و يعيشوا معاهم للأبد
و الأسطورة بتقول أن ده سبب غرق البحارة!
ظهرت حوريات البحر لأول مرة عام 1000ق.م فى المملكة الآشورية و اترسخت فى عقول الناس بأساطير و أشكال مختلفة
لدرجة أن فى عصرنا الحالى أتعمل اكتر من مسلسل بيتكلم عن حوريات البشر عن طريق دمج الواقع مع الخيال
و أشهر المسلسلات دى Mako mermaids و H2O just add water
المسلسل بيتكلم عن ثلاث بنات طبيعيات تمامًا فى المدرسة و لكنهم بالصدفة تواجدوا فى المكان الغلط فى الوقت الغلط و تحولوا لحوريات بحر و أصبح من المفروض أنهم يخفوا الحقيقة دى عن كل الناس و يحافظوا على سرهم مع بعض عشان ميواجهوش أى متاعب.
من التفسيرات الخرافية اللى عاشت مع الناس أن الحجر الكريم اللى اسمه الزمرد الريحانى بيتكون أساسًا من دموع حوريات البحر و ده اللى خلى البحارة يعتقدوا انهم لو امتلكوا الحجر ده أثناء الإبحار ، هيحميهم من أخطار العواصف و الرعد و البرق!
و من أشهر عادات حوريات البحر الغريبة أن قواهم بتزيد جدًا فى ليلة إكتمال القمر فى كل شهر قمرى ، و بيصنعوا مشط من الأصداف بيمشطوا بيه شعرهم اللى فى الغالب طويل جدًا.
كل مجموعة من حوريات البحر بتسكن منطقة فى المحيط ليها عادات مختلفة و قوى مختلفة حسب مكانهم و ده اللى بيخليهم يتعاونوا مع بعض و يكملوا بعض وقت مواجهه خطر من الصيادين أو من البحارة اللى بيطمعوا فى صيدهم لعرضهم فى أحواض زجاجية فى السيرك أو فى المهرجانات بد من الحصول على حريتهم فى المحيط!
ليست هناك تعليقات:
إرسال تعليق