أكاديمية زاد أعلنت عن فتح باب التقديم للطلاب و الطالبات لدراسة العلوم الشرعية زى الفقه و التربية الإسلامية و العقيدة و التفسير و السيرة النبوية و اللغة العربية و الحديث
و حقيقى من أجمل الحاجات اللى ممكن المسلم يتعلمها فى حياته هى العلوم الشرعية عشان ينفع بيها نفسه و أهل بيته و أصدقائه و يثبت عقيدته و يفهم أكتر عن دينه فى المكان الصح بعيداً عن التعصب و بشكل مبسط و جميل
امبارح سجلت فى الموقع الحمد لله و تم قبولى و عرفت أن نظام الدراسة كالتالى:
- فى التسجيل فى الموقع يوجد تسجيل منفصل للطلاب و آخر للطالبات.
- الدراسة سنتين و كل سنة فصلين دراسيين بمجموع 4 فصول دراسية.
- الدراسة 5 ايام فى الأسبوع بمعدل 3 محاضرات فى اليوم و المحاضرة الواحدة حوالى 40 دقيقة .
- أول ما بتسجل فى الموقع بيتعملك ملف شخصى فيه جدول دراستك و بيان كل محاضرة الساعة كام بالضبط و تقويم بيبين مواعيد الإمتحانات.
- مراعاه أن توقيت المحاضرات يسير وفق توقيت مكة المكرمة ، فلو أنت من مدينة أخرى لازم تعرف توقيت مكة بالنسبة لمدينتك و تحدد فرق الوقت
مثلاً أنا فى القاهرة لو فى محاضرة الساعة 5 هتكون بث مباشر فهى بالنسبة لى أنا الساعة 4
- الدراسة محتاجة إلتزام بالوقت و مذاكرة لأن فى إمتحانات نهائية و بيتم إضافة علامات ليك طوال مدة السنتين و فى الأخر بنهاية الأربع فصول بتشوف مجموعك النهائى.
- التسجيل فى الموقع مثل المدرسة بالضبط بيفتح فى وقت معين و بيقفل بعدها باب التقديم حينما يكتمل العدد فلازم تلحق تسجل قبل ما الوقت يخلص لأنك لو ملحقتش هتضطر تنتظر سنة تانية.
- بعد التسجيل فى الموقع هتلاقى نبذة مختصرة عن المواد اللى هتدرسها وفى محاضرات نزلت بالفعل على الموقع فى المواد السبعة بتاعة الدراسة كتعريف مبدأى ليها لكن الدراسة فعلياً هتبدأ يوم 30 أغسطس و ممكن تحمل المحاضرات كملف صوتى أو فيديو.
- مٌتاح فى الموقع الكتب الدراسية Pdf و متاحة للشراء اونلاين
- بجانب فيديو كل محاضرة مكتوب كم المشروح فى الفيديو من الكتاب
مثالاً : فى هذة المحاضرة تم شرح من صفحة 1 إلى صفحة 11 ، و ده علشان الطالب يراجع الكتاب قبل و بعد المحاضرة للتأكيد على المعلومات
- فى إمكانية الإستماع إلى نفس المحاضرة من شيخين مختلفين ، على الأرجح بتختار الشيخ صاحب الأسلوب الأفضل بالنسبة ليك
- فى إمكانية تحميل المحاضرة و الإستماع إليها فى الوقت المناسب ليك إذا كان وقت البث المباشر غير مناسب ليك.
جمييل والله وشكرا كتيرر
ردحذفتسلم يارب العفو ^_^
حذف