فى أيام أجازة نص السنة أو آخر السنة أو حتى لو مخلصين دراسة ، بنحب نخصص يوم كبنات منخرجش فيه ونقعد فى البيت نقضى يوم جميل كلنا سوا سواء صحاب أو أقارب
و أحياناً بيكون فى ظروف معينة بتجبرنا على كدة زى أن مفيش مكان معين عايزين نروحه أو مكسلين نخرج من البيت لو الجو برد جداً أو حر جداً
لكن مين قال أن البيت ممل؟
لو عندك أيام فاضية فيها و حابة تقضيها فى البيت وسط صحباتك البنات أو حتى قريباتك من العائلة ممكن يكون ده أحسن يوم أصلاً
لأن فى أفكار كتير ممكن تعملوها سوا و بتصنعوا ذكريات مبتتنسيش
أنا بعمل كدة مع صديقتى وقريبتى من فترة للتانية لأن بالصدفة احنا الإتنين بنحب البيت أكتر من الخروج
ولما بتيجى عندى البيت بكون فرحانة جداً وفى بالى أفكار كتير نعملها نتسلى بيها
دى شوية أفكار جت فى بالى وقلت لازم أشاركها معاكم وأنا واثقة أنكم هتحبوها سواء فى الصيف أو الشتاء
١- فكرى فى أكتر أكلة بتحبوها أنتى وصحباتك وجربوا أطبخوها سوا ، دخول البنات المطبخ سوا بيكون شئ كوميدى جداً بسبب الكوارث اللى بتحصل احياناً : حاجة إتحرقت ، حاجة مش مستوية ، حاجة طلعت مش مضبوطة جداً ، بس علشان بنكون سوا فالموضوع بيكون كوميدى و بتحبوا تاكلوا اللى طبختوه اياً كان طعمه
جهزى قبلها بيوم مكونات أكلة بتحبوها
٢- حضرى كتاب من اللى فيه قصص رعب قصيرة أو كوميدية قصيرة على حسب النوع اللى بتحبوه واقرأوه سوا ، زى روايات ما وراء الطبيعة و الروايات العالمية المترجمة بتكون مش طويلة و مسلية جداً
٣- اتصوروا سوا صور جماعية كتير و صوروا اللى بتعملوه علشان الصور دى هتفضل ذكريات جميلة لبعد كدة
٤- اتفرجوا على فيلم مع بعض ، النت حالياً أصبح مليان بمواقع الأفلام و المسلسلات المجانية أو المدفوعة
٥ - اخترعوا ماسكات للبشرة والشعر و جربوها سوا ، ممكن تحضرى قبلها فى أجنده أو نوتة ماسكات للوش و جربوا منها أفضل نوع شايفين أنه ينفع و يناسب بشرتكم ، انبهروا بالنتيجة سوا و فكروا إيه الماسكات التانية اللى ممكن تجربوها بعد كدة و تطلعوا بأفكار حلوة و يمك بماسك متعملش قبل كدة و يطلع حلو !
6 - اتكلموا عن احلامكم : أكيد مفيش قاعدة بنات إلا و كل بنت بتحكى فيها عن أحلامها أياً كانت إيه هى
و خصوصاً لو بنات قريبين من بعض جداً ، الحفلة بتقلب لحلقة تبادل أسرار و أمنيات
أهم حاجة تكونوا إيجابيين و تشجعوا بعض على تحقيق أحلامكم ، ولو إنتى حاسة بتردد و مش عارفة هدفك بالضبط ، ممكن تستفادى من كلام البنات التانيين لأن ممكن يكون فى حاجة إنتى بتحبيها بس مش شيفاها هدف مهم قدامك و تكون هدف بنت تانية و يكون عندكم هدف مشترك تشجعوا بعض عليه
7- اكتبوا خطط تعملوها للسنة اللى انتو فيها حتى لو بسيطة ، و ده بردو جزء من موضوع تحقيق الأحلام ، ممكن تكتبوا سوا قائمة بالحاجات اللى محتاجين تبدأوا تعملوها السنة دى
و دى قائمة بمقترحات كتبتها قبل كدة ممكن تفيدك : اضغطى هنا
8- شجعوا بعض على الرياضة و الأكل الصحى ، و أبسط طريقة تبدأى تشجعى بيها البنات أنك تعمل أكل صحى و لذيذ فى اليوم ده بالذات ، ده ممكن يشجعهم أنهم يكملوا بنفس الطريقة و تاخدوا من بعض الوصفات و تجربوها
9- رتبوا مع بعض لخروجة فى يوم تانى بس تكون مختلفة عن معظم خروجات البنات اللى بتكون لمول أو كافيه
ممكن تروحوا سوا المتاحف أو القرية الفرعونية أو الأهرامات أو أى مكان مش معتاد اوى زى ساقية الصاوى أو تحضروا أى ندوة ثقافية
كل الحاجات دى هتحسسكم بالتجديد و تجيبلكم افكار جديدة
و أحياناً بيكون فى ظروف معينة بتجبرنا على كدة زى أن مفيش مكان معين عايزين نروحه أو مكسلين نخرج من البيت لو الجو برد جداً أو حر جداً
لكن مين قال أن البيت ممل؟
لو عندك أيام فاضية فيها و حابة تقضيها فى البيت وسط صحباتك البنات أو حتى قريباتك من العائلة ممكن يكون ده أحسن يوم أصلاً
لأن فى أفكار كتير ممكن تعملوها سوا و بتصنعوا ذكريات مبتتنسيش
أنا بعمل كدة مع صديقتى وقريبتى من فترة للتانية لأن بالصدفة احنا الإتنين بنحب البيت أكتر من الخروج
ولما بتيجى عندى البيت بكون فرحانة جداً وفى بالى أفكار كتير نعملها نتسلى بيها
دى شوية أفكار جت فى بالى وقلت لازم أشاركها معاكم وأنا واثقة أنكم هتحبوها سواء فى الصيف أو الشتاء
١- فكرى فى أكتر أكلة بتحبوها أنتى وصحباتك وجربوا أطبخوها سوا ، دخول البنات المطبخ سوا بيكون شئ كوميدى جداً بسبب الكوارث اللى بتحصل احياناً : حاجة إتحرقت ، حاجة مش مستوية ، حاجة طلعت مش مضبوطة جداً ، بس علشان بنكون سوا فالموضوع بيكون كوميدى و بتحبوا تاكلوا اللى طبختوه اياً كان طعمه
جهزى قبلها بيوم مكونات أكلة بتحبوها
٢- حضرى كتاب من اللى فيه قصص رعب قصيرة أو كوميدية قصيرة على حسب النوع اللى بتحبوه واقرأوه سوا ، زى روايات ما وراء الطبيعة و الروايات العالمية المترجمة بتكون مش طويلة و مسلية جداً
٣- اتصوروا سوا صور جماعية كتير و صوروا اللى بتعملوه علشان الصور دى هتفضل ذكريات جميلة لبعد كدة
٤- اتفرجوا على فيلم مع بعض ، النت حالياً أصبح مليان بمواقع الأفلام و المسلسلات المجانية أو المدفوعة
٥ - اخترعوا ماسكات للبشرة والشعر و جربوها سوا ، ممكن تحضرى قبلها فى أجنده أو نوتة ماسكات للوش و جربوا منها أفضل نوع شايفين أنه ينفع و يناسب بشرتكم ، انبهروا بالنتيجة سوا و فكروا إيه الماسكات التانية اللى ممكن تجربوها بعد كدة و تطلعوا بأفكار حلوة و يمك بماسك متعملش قبل كدة و يطلع حلو !
6 - اتكلموا عن احلامكم : أكيد مفيش قاعدة بنات إلا و كل بنت بتحكى فيها عن أحلامها أياً كانت إيه هى
و خصوصاً لو بنات قريبين من بعض جداً ، الحفلة بتقلب لحلقة تبادل أسرار و أمنيات
أهم حاجة تكونوا إيجابيين و تشجعوا بعض على تحقيق أحلامكم ، ولو إنتى حاسة بتردد و مش عارفة هدفك بالضبط ، ممكن تستفادى من كلام البنات التانيين لأن ممكن يكون فى حاجة إنتى بتحبيها بس مش شيفاها هدف مهم قدامك و تكون هدف بنت تانية و يكون عندكم هدف مشترك تشجعوا بعض عليه
7- اكتبوا خطط تعملوها للسنة اللى انتو فيها حتى لو بسيطة ، و ده بردو جزء من موضوع تحقيق الأحلام ، ممكن تكتبوا سوا قائمة بالحاجات اللى محتاجين تبدأوا تعملوها السنة دى
و دى قائمة بمقترحات كتبتها قبل كدة ممكن تفيدك : اضغطى هنا
8- شجعوا بعض على الرياضة و الأكل الصحى ، و أبسط طريقة تبدأى تشجعى بيها البنات أنك تعمل أكل صحى و لذيذ فى اليوم ده بالذات ، ده ممكن يشجعهم أنهم يكملوا بنفس الطريقة و تاخدوا من بعض الوصفات و تجربوها
9- رتبوا مع بعض لخروجة فى يوم تانى بس تكون مختلفة عن معظم خروجات البنات اللى بتكون لمول أو كافيه
ممكن تروحوا سوا المتاحف أو القرية الفرعونية أو الأهرامات أو أى مكان مش معتاد اوى زى ساقية الصاوى أو تحضروا أى ندوة ثقافية
كل الحاجات دى هتحسسكم بالتجديد و تجيبلكم افكار جديدة
ليست هناك تعليقات:
إرسال تعليق