You Vs Wild
Hala
يوليو 05, 2019
2 Comments
من ضمن البرامج اللى بحبها أوى فى نيتلفيكس برنامج You vs Wild بمعنى أنت ضد الطبيعة البرية
البرنامج ده عبارة عن حلقات و بطلها هو الشخص اللى فى الصورة
كل حلقة بيقوم بمغامرة فى مكان خطير فى الطبيعة زى صحراء قاحلة و حارة و مليانة بالزواحف و الحشرات أو صحراء جليدية كل شئ فيها مجمد و مخيف و مميت أو غابة فيها حيوانات مفترسة و بيكون عنده مهمة معينة بيعملها زى مثلاً إنقاذ حيوان تائه أو توصيل شئ
و الهدف من كل ده فى كل مرة البقاء حياً وسط الطبيعة القاسية دى
لكن أجمل شئ فى الحلقات أن كل مشكلة بيتعرضلها بيسألنا فيها نعمل ايه؟
على سبيل المثال لو الحلقة بتتكلم عن صحراء جليدية و فيها بحيرة متجمدة و لازم يعبر الجهة التانية للبحيرة هيسألك نعمل إيه؟ و هيظهر على الشاشة خيارين مثلا او تلاتة لعبور البحيرة و أنت هتختار الخيار الأسلم أو اللى شايفه أفضل و أمان أكثر لحد نهاية الرحلة كلها إختيارات مصيرية للبقاء حى
أفضل ما فى الموضوع أن لو إخترت إختيار خطأ تسبب فى ورطة أو موت تقدر ترجع خطوة للوراء تغير إختيارك أو تعيد الحلقة من الأول و تغير مسار الرحلة كلها بإختيارات تانية
البرنامج ده مفيد جداً للناس اللى بتحب تسلق الجبال و بتحب الكشافة و المغامرات فى الغابات و الاماكن الطبيعية بحيث أنهم يقدروا يتعلموا يتصرفوا إزاى فى المواقف الصعبة
