لو أنت لسة متعرفش أى حاجة عن الشاكرات اضغط هنا الأول عشان تعرف معنى شاكرات قبل ما نبدأ نتكلم عنهم بالتفصيل.
شاكرا الجذر هى الشاكرالأولى فى جسم الإنسان اللى هنتكلم عنها النهاردة
خلينا نلاحظ ان الشاكرات السبعة بيتم ترتيبهم من أسفل الجسم لأعلاه مش العكس ، فبما أن دى الشاكرا الأولى يبقى دى الشاكرا السفلية فى الجسم
الشاكرا الأولى اسمها (القاعدة الجذرية) أو لو هنتكلم باللغة السنسكريتية زى ما قولنا (عشان أغلب العلوم الروحية مصطلحاتها باللغة السنسكريتية)
يبقى هنسميها مالادهارا و دى بيكون لونها أحمر أو بيرمز ليها باللون ده زى الرمز اللى فى صورة الموضوع.دى بتكون اسفل العمود الفقرى عند فتحة الشرج
شاكرا الجذر مسؤولة عن الأمن النفسى و السلام الداخلى للإنسان ، كمان مسؤولة عن القوة و الشباب و المال
و من أهم الحاجات اللى مسؤولة عنها هى : الإحساس بالوجود المادى و الثبات و الإستقرار و عدم الإنتحار ، و ده اللى بيلفت نظرنا لإلى أن المرضى العقليين بتكون الشاكرا دى عندهم مغلقة تماما و فيها مشاكل كتيرة جدا و واضحة.
الشاكارا دى متصلة بقوة من الأرض.... بمعنى لو حبينا نقوم بأى حاجة من الاحتياجات المادية فالنجاح فى المهمة دى هيأتى من شاكارا القاعدة الجذرية
لما تكون الشاكارا دى مفتوحة هتحس بالتوازن والهدوء والاستقرار والسلام... اما لو كانت مقفولة فالشخص هيحس انه خايف و قلقان و محبط و عصبى و غير مرحب به.
اما بالنسبة للناحية الروحية فالشاكرا دى مسؤولة عن الوعى الدينى للإنسان و عن احساسه بوجوده الإنسانى فى العالم المادى الطبيعى ولو كانت الشاكرا دى مغلقة فالإنسان هيحس انه من غير جذور من الناحية الفيزيائية و الروحية.
من الناحية الجسدية وجود اختلال فى الشاكارا دى بيؤدى لمشاكل السمنة و فقدان الشهية و آلام الركبة.
طيب لو فى خلل فى الشاكرا دى هنرجع لها التوازن ازاى؟
فى الحقيقة كل شاكرا من السبعة ليها علاج مختلف عن التانية حسب طبيعة عملها فى الجسم
بس بما ان الشاكرا الجذرية متصلة بالأرض (عنصرها الأساسى الأرض) زى ما قولنا فالتوازن بتاعها هييجى من الاتصال الجيد بالطبيعة زى انك تمشى حافى القدمين فى اماكن طبيعية زى خضرة او بحر..... او عن طريق تمارين يوجا أو تمارين تأمل خاصة بفتح الشاكرا الجذرية أو مالادهارا
من أشهر تمارين التأمل هى الجلسة الشهيرة بتاعة ان الشخص يجلس مربع الأرجل على الأرض و يجعل صباعه السبابة يلامس الأبهام و يغمض عينه و يبأ يحس بكيانه المادى و يشعر من جواه بالرضا عن وجوده و حياته بمعنى (أنا هنا و الآن).
لسة هييجى كلام أكتر عن التأمل بعد كدة.
و لكن اكتر حاجة ممكن تلفت انتباهنا ان كل شاكرا ليها حجر كريم بيعالجها
ازاى؟
يعنى كل حجر كريم بتنبع منه طاقة معينة او اهتزاز معين بيساعد فى تعويض الشاكرا بالطاقة الناقصة فيها أو فتحها أو بلغة المعالجين (تنظيف الشاكرا) و ده اللى بيرجع ليها توازنها.
لذلك بنلاقى ساعات على النت صورة اعتقد مرت على اغلبكم و هى عبارة عن شخص مسترخى فى جلسة مساج و على امتداد ظهره احجار مترتبة فى صف
بنكون مش فاهمين ايه معنى الصورة دى و لكن اعتقد دلوقتى كلنا فهمنا ان الاحجار دى مش مترتبة بشكل عشوائى و لكن كل حجر محطوط فى موضع معين على الجسم على الشاكرا الخاصة بيه عشان يفتحها لو مقفولة و بالتالى نرجع التوازن للجسم كله.
بالنسبة للشاكرا الجذرية اللى بنتكلم عنها ... أكتر الأحجار المناسبة ليها هى الكوارتز و الذهب و الجمشت و عين النمر.
الأحجار دى منقية للدم و بتساعد الإنسان اثناء التأمل بقواها الإيجابية غير انها بتساعد على الهدوء و التوازن.
ليست هناك تعليقات:
إرسال تعليق