النهاردة كوكبنا بيحتفل بظاهرة القمر المكتمل أو الـ Full Moon و دى ظاهرة بتتكرر للمرة الثانية خلال سنة 2020 بس
الظاهرة دى عبارة عن أن إكتمال القمر بيتزامن مع وصوله لأقرب نقطة للأرض فى مداره و ده بينتج عنه رؤيه القمر بأكبر حجم ممكن بالعين المجردة
و الصورة دى أخدتها النهاردة بموبايل هواوى Y7 و طبعاً هى مش أفضل صورة لكن بالنسبة لموبايل عادى تعتبر جيدة جداً
و بالنسبة للناس اللى عايزة تصور بنفس الطريقة هقولكم على الخطوات اللى تعملوها
1- نفتح كاميرا الموبايل
2- أختار (المزيد)
3- اختار (احترافى أو Pro)
4- اضبط الـ Iso على 100
5- اضبط الـ S على 1/4000
و دلوقتى موبايلك جاهز لتصوير القمر بأفضل جودة ممكنة
و لو أنتم من محبين علم الفلك زيى فأنصحكم بتحميل تطبيق على الهاتف الأندرويد إسمه Star Map Tracker : Stargazing
التطبيق ده من أفضل التطبيقات لمحبين علم الفلك لأنه بيتيح لكم أنكم توجهوا الموبايل للسما و الموبايل بيبدأ يقرأ السماء من موقعك و بيوضحلك إيه النجوم اللى ظاهرة من مكانك و مواقعها و اسمائها و مكان القمر و الشمس و الكواكب كلها
و لما بتتحرك بالموبايل المشهد بيتغير كأنكم بتصوروا فيديو بالضبط
الحقيقة التطبيق مثير جداً لأنكم كل ما تتحركوا خطوة بتشوفوا حاجة جديدة
من أفضل الحاجات اللى ممكن تعملوها كمان النهاردة هو تأمل القمر المكتمل أو Full Moon Medetietion
لأن من المعروف أن القمر المكتمل له طاقة معينة بس مش كل الناس و كل الأجسام بتتوافق معاها
فالناس اللى هتحس أن الموضوع مش مناسب ليها أو حست بتعب تنسحب من الموضوع بسرعة
طاقة القمر المكتمل تأثيرها إيه؟
من خلال التأمل أمام القمر المكتمل يمكن أن يصل الإنسان إلى إتخاذ القرارات و تنمية الذات و التشافى و التغيير و الحماية
و من أفضل أوقات التأمل أو وقت الذروة هو منتصف الليل بالضبط و مدة التأمل بتكون حوالى من 20 -25 دقيقة فقط.
لو فى موسيقى معينة للتأمل بتساعدكم فإستخدموها أثناء التأمل و هتلاقوا أكتر من موسيقى على اليوتيوب أختاروا الأنسب ليكم
ليست هناك تعليقات:
إرسال تعليق