كتير من المراجع ظهرت بتتكلم عن لغز الهرم من الناحية التاريخية و من الناحية العلمية
لكن النهاردة هتكلم عنه باختصار شديد من الناحية الطاقية لأن الموضوع كبير و في تفاصيل كتير
الشكل الهرمي بينتج عنه حقل طاقي معين بيساعد في الآتي:
- النباتات بتنمو داخل الشكل الهرمي اسرع من انه يتحط جوا اي شكل تاني
- الشكل الهرمي بينتج طاقة بتساعد في العلاج اسرع زي علاج الصداع و اوجاع الجسم ، عشان كدة في ناس بتحب تستخدمه في العلاج و ناس بتمارس التأمل داخل شكل هرمي ( مصنوع في المنزل)
- اذا تم وضع شفرة حلاقة بطريقة معينة في الهرم (و هشرح الطريقة بالتفصيل) فالشفرة دي بتفضل حادة لوقت طويل جدا جدا
- اذا تم وضع اي جسم ميت داخل الهرم بيتحنط مش بيعفن اطلاقا، و بالفعل تم تجارب كتير على حيوانات ميتة و زهور تم قطفها و احتفظت برائحتها و تحنطت و جفت و لحوم و بيض كمان
- الشكل الطاقي للهرم بيعيد تلميع المجوهرات و العملات المتأكسدة
- الشكل الهرمي بيعيد نقاء الماء الملوث بعد وضعه داخل الهرم لعدة ايام
- الشكل الهرمي كمان بيبقي اللبن طازج لعدة ايام بدون ما يفسد، و اذا تغير بيتحول لزبادي لكن مش بيفسد
- غسل الوجه بالماء المحفوظ داخل الشكل الهرمي بيعيد للبشرة شبابها
- أكياس الفضلات هرمية الشكل بتمنع الفضلات من التعفن و من صدور اي رائحة كريهة
- الجلوس تحت حيز هرمي الشكل بيعطي احساس بالراحة و بينهي التوتر و يبدد الحالة العصبية
طيب ازاي نعمل شكل هرمي؟
- الشكل الهرمي اللي بيعطي كل التأثيرات دي لازم يتعمل اولا من مواد غير موصلة للكهرباء يعني ممكن نصنع هرم من الخشب او البلاستيك او الورق المقوى و لو صنعناه من الخشب بيتم لطق الجوانب بالغراء مش المسامير لأن المسامير حديد و موصلة للكهرباء
- تاني حاجة ممكن نصنع الهرم بأي حجم نحبه حسب الاستخدام، يعني لو هنصنع هرم للتأمل بداخله هيكون مش اقل من متر و نص مثلا غير اما نصنع هرم لشحذ شفرة حلاقة ممكن يكون ١٥ سم بس
- لازم أبعاد الهرم تكون نفس نسب أبعاد هرم خوفو و نفس الاتجاه و هنقول ازاي دلوقتي
- لازم الهرم ميكونش قريب من اي حائط في المنزل و يكون في اتجاه الشمال الجنوب المغناطيسي
- اخيرا، الجسم الموضوع داخل الهرم لازم يكون بإرتفاع تلت المسافة من قاعدة الهرم و يتم ترك مسافة الثلثين من أعلى نقطة للشئ ده داخل الهرم
مثلا لو في انسان هيقعد يتأمل جوه الهرم بيقعد على ارتفاع ثلث المسافة من الأرض على كرسي او حاجة و يسيب فراغ الهرم ثلثين المسافة من راسه لقمة الهرم بالداخل
و نفس الفكرة لو هنحط شفرة لتقوية النصل هحطها على قطعة خشبية ترتفع من على القاعدة مقام ثلث المسافة و نترك الفراغ ثلثين بين الشفرة و قمة الهرم من الداخل
الطريقة /
- هنعمل هرم من الورق المقوى ( الكارتون) لسهولة استخدامه و ثنيه
هنرسم مثلث متساوي الساقين طول قاعدته ١٢ سم و طول كل من ساقيه المتساويين ١١.٤ سم
هنرسم على الورق المقوى ٤ مثلثات بالقياس ده ( لأن هرم خوفو له ٤ جوانب مش ٣)
بعد كدة هنقصهم و نلزقهم زي الشكل ده في الصورة
الهرم ده هتكون ابعاده قريبة جدا من هرم خوفو و ارتفاعه هيكون ٨ سم و لكنه هيكون هرم بدون قاعدة
الطريقة الثانية /
نرسم على صفحة ورق مقوى دايرة مركزها (م) و نص قطرها ١١.٤ سم و نستخدم الرجل و نفتحه ١٢ سم و نركز في اي نقطة على المحيط مثلا النقطة (أ) و نحدد النقطة (ب) على محيط الدائرة ثم نركز في (ب) و نحدد النقطة (ج) و هكذا
و بعد أن تنتهي من تحديد النقط ( أ، ب، ج، د، ه) على محيط الدائرة، نقطع الورق المقوى في الاتجاهات( م أ، أب، ب ج، ج د، د ه، ه أ)
بعدها نصنع حز خفيف بالمشرط في الاتجاهات ب م /ج م /د م
عشان يساعدنا على ثني الورق المقوى بانتظام عند الخطوط دي
بعد ما يتم الثني نقرب الخط أ م من الخط م ه بحيث يتطابقوا، بعدها نلصق جانب الهرم بالسوليتيب ( شريط لاصق) و في الحالة دي هيكون الهرم بارتفاع ٨ سم بردو
و لو حبينا نعمل هرم اكبر كل اللي علينا اننا نضاعف الأبعاد دي بنفس النسب
على سبيل المثال هرم ارتفاعه ١٦ سم و طول القاعدة ٢٤ سم و طول جنبه المائل ٢٢.٨ سم
زي ما قولت لازم نراعي بُعد الهرم عن الحائط عند استخدامه و نتأكد انه على محور الشمال - الجنوب عن طريق بوصلة مغناطيسية لو ممكن يميل شوية عن محور الشمال - الجنوب
بعد ما تعمل الهرم و تحطه في المكان المناسب و الاتجاه المناسب ممكن تختبر مدى صلاحيته للاستخدام عن طريق اختبار البندول
و هو عبارة عن انك بتجيب خيط طوله من ٢٠ سم ل ٣٠ سم و تحط في آخره جسم ثقيل زي بلية او خرزة من عقد او حاجة زي كدة ( الخردة افضل من البلية لأنها مخرومة و ينفع تدخل فيها الخيط) و تعمل عقدة في آخره عشان الخرزة متقعش
امسك طرف الخيط و اترك الخرزة تتدلى عموديا و قرب الخرزة و الخيط بحيث تكون الخرزة أعلى شوية من مستوى قمة الهرم و حرك ايدك ببطء شديييد هتحس ان الخرزة بتتنافر مع قوة الهرم كأنهم قوتين مغناطيسيتين عكس بعض و لو قربت من القمة اكتر هتلاقي البندول يتحرك حركات دائرية حول قمة الهرم (في البداية بتكون محدودة و بطيئة و بعد كدة حركات واسعة دائرية و أوسع)
اختبار تاني للتأكد من ان الهرم في الوضع الصحيح (اختبار العسل) مش انا لا 
هنحط في الشكل الهرمي وعاء صغير من العسل بحيث يكون بارتفاع الثلث عن القاعدة زي ما قولنا قبل كدة، و بعد ٥ ايام لو الهرم فعلا في مكان صح و اتجاه صح هتلاقي العسل تجمد و أصبح اكثر لزوجة و لو ادرت الهرم في اتجاه خاطئ هتلاقي العسل بيرجع سائل بعد ٢٤ ساعة
اما من البداية لو فضل سائل معناها أبعاد الهرم غير دقيقة او موضوع في اتجاه غير صحيح.
ليست هناك تعليقات:
إرسال تعليق